హీరోలు తమ కొడుకులను మళ్ళీ హీరోలుగా చెయ్యడం గొప్ప విషయం కాదు. ఎందుకంటే స్టార్ హీరోలైనా.. చిన్న హీరోలైనా తమ పిల్లల్ని హీరోలుగానే చూడాలనుకుంటారు. అందుకే చదువుతున్న రోజుల నుంచి వారికి నటనలో శిక్షణ నిప్పిస్తుంటారు. అలాగే హీరోయిన్స్ కూడా తమ కూతుళ్లను హీరోయిన్స్ చేయాలనుకోవడం మాత్రం చాలా అరుదుగానేజరుగుతుంది. హీరోలు కూడా అంటే.. కూతుళ్ళని హీరోయిన్స్ చెయ్యడానికి ఒకడుగు వెనక్కి వేస్తారు. కానీ కొడుకులని మాత్రం ఎటువంటి ఆలోచనలు పెట్టుకోకుండా ఇండస్ట్రీకి పరిచయం చేస్తారు. మరి ఆ సెలెబ్రిటీ హోదాని ఎవరు కాదంటారు. టాలీవుడ్ లో అయితే అక్కినేని నాగేశ్వరరావు నాగార్జునని... నాగార్జున చైతు, అఖిల్ ని వారసులుగా దింపారు. ఎన్టీఆర్ బాలక్రిష్ణని వారసుడిగా వదిలితే... బాలయ్య బాబు అయన కొడుకు మోక్షజ్ఞని హీరో చెయ్యడానికి తపన పడుతున్నాడు. ఇక చిరంజీకి రామ్ చరణ్, అల్లు అర్జున్ ఇలా అనేకమంది మెగా హీరోలను ఇండస్ట్రీకి పరిచయం చేసాడు.
తమిళంలోనూ....
తమిళంలోనూ విక్రమ్ తన కొడుకు ధృవ్ ని హీరోగా పరిచయం చేస్తునందు. ఇక మమ్ముట్టి దుల్కర్ సల్మాన్ హీరో చేసాడు. తాజాగా కోలీవుడ్ లో మరో స్టార్ హీరో తన కొడుకుని హీరోగా చెయ్యాలనుకుంటున్నట్లుగా తెలుస్తుంది. అతనెవరో కాదు 62 సినిమాలను అలవోకగా చేసిన స్టార్ హీరో విజయ్ తన కొడుకు సంజయ్ నికూడా హీరోగా చెయ్యాలనుకుంటున్నాడట. ఇప్పటికే హీరోగా తెరంగేట్రానికి విజయ్ తన కొడుకు సంజయ్ ని సిద్ధం చేస్తున్నట్టుగా తెలుస్తుంది. ఈమధ్యనే ఇంటర్మీడియెట్ పూర్తి చేసిన సంజయ్ కి ఇప్పటినుండి నటనలో, డాన్స్ లలో శిక్షణ ఇప్పించాలని చూస్తున్నాడు విజయ్. ప్రస్తుతం తాను క్రేజ్ లో ఉండగానే సంజయ్ కూడా హీరోగా నిలదొక్కుకుంటే బావుంటుందని.. విజయ్ భావిస్తున్నాడట.
గ్రాండ్ గా ఎంట్రీ....
అందుకే కొద్దీ కాలం పాటు సంజయ్ ని ఫిల్మ్ మేకింగ్ కోర్స్ లో జాయిన్ చేస్తున్నాడట విజయ్. అందుకోసం సంజయ్ ని త్వరలోనే కెనడా పంపుతున్నట్టుగా వార్తలొస్తున్నాయి. ఆ తరువాత నటన, డాన్స్, ఫైట్స్ లో శిక్షణ పొంది సంజయ్ వెండితెరకు గ్రాండ్ గా ఎంట్రీ ఇస్తాడని అంటున్నారు. మరి లక్షలాది మంది అభిమానులున్న విజయ్ కి ఇప్పుడు అయన కొడుకు హీరో అవుతునందంటే అంతకన్నా హ్యాపీ న్యూస్ ఏముంటుంది.