బందోబస్త్ కి ఇన్ని కష్టాలా?

సూర్య – సాయేషా సైగల్ తో పాటుగా మలయాళ టాప్ స్టార్ మోహన్ లాల్ కీలక పాత్రలో నటిస్తున్న బందోబస్త్ సినిమా సాహో కి దొరక్కుండా… సెప్టెంబర్ 20 న రావడానికి రెడీ అయ్యింది. నిన్నటివరకు సాహో తో బందోబస్త్ పోటీపడుతుందనుకున్నారు. కానీ సూర్య తెలివిగా ప్రభాస్ తో పెట్టుకొవడం అవసరమా అని సైలెంట్ గా తప్పుకున్నాడు. ఇక ఎప్పుడో కోలీవుడ్ లో సూర్య బందోబస్త్ ప్రమోషన్స్ స్టార్ట్ కూడా అయ్యాయి. బందోబస్త్ ఆడియో లాంచ్ వేడుకని కోలీవుడ్ లో ఘనంగా నిర్వహించారు. ఇంత సాఫీగా సాగుతున్న బందోబస్త్ కి కష్టాలేమిటా అని ఆలోచిస్తున్నారా….?

వరస ప్లాపులతో…

బందోబస్త్ కి కోలీవుడ్ లో మంచి క్రేజ్ ఉంది.. అలాగే అంచనాలు కూడా ఉన్నాయి. కానీ తెలుగులోనే బందోబస్త్ కష్టాలు మొదలయ్యాయి. ఎందుకంటే సూర్య గత సినిమాల ఎఫెక్ట్ ఈ బందోబస్త్ మీద పడింది. సూర్య సింగం సీరీస్ తో తెలుగు సినిమాల మీద పై చెయ్యి సాధించినా….. తర్వాత వచ్చిన నాలుగైదు సినిమాలు ఫట్ అనడంతో.. సూర్య కొత్త సినిమాలు కొనాలంటే తెలుగులో బయ్యర్లకు వణుకు పట్టుకుంది. గ్యాంగ్, ఎన్జీకే సినిమాలు అట్టర్ ప్లాప్ అవడంతో సూర్య బందోబస్త్ అంటేనే భయపడుతున్నారు డిస్ట్రిబ్యూటర్స్. ఆ సినిమాలకొచ్చిన లాస్ తో బందోబస్త్ సినిమా మీద ఎవరు ఇంట్రస్ట్ పెట్టడం లేదు. ఇక సూర్య సినిమాలకు ముందు 10 కోట్ల దాకా గిరాకీ ఉండేది. కానీ చాలా సినిమాలు డిజాస్టర్ అవడంతో.. ఇప్పుడు బందోబస్త్ మీద క్రేజ్, అంచనాలు తెలుగులో లేకపోవడంతో.. ఈ సినిమాని కొనే నాధుడు కనిపించడం లేదు.