హీరోయిన్ 'తాప్సి' ప్రధాన పాత్రలో 'గేమ్ ఓవర్' పేరుతో 'వై నాట్ స్థూడియోస్' నిర్మాణ సంస్థ ఓ చిత్రాన్ని నిర్మిస్తోంది. గతంలో ఈ సంస్థ సిద్ధార్ధ్' హీరోగా రూపొందిన 'లవ్ ఫెయిల్యూర్', వెంకటేష్ హీరోగా రూపొందిన 'గురు' సినిమాలు మంచి హిట్ అయ్యాయి. 'నయనతార' కథానాయికగా తమిళ నాట ఘనవిజయం సాధించిన 'మయూరి' వంటి చిత్రాన్ని రూపొందించిన దర్శకుడు 'అశ్విన్ శరవణన్' దర్శకత్వంలో ఈ 'గేమ్ ఓవర్' చిత్రాన్ని నిర్మాత, వై నాట్ స్థూడియోస్ అధినేత ఎస్.శశికాంత్ నిర్మిస్తున్నారు.
ప్రారంభమైన షూటింగ్
ఈ 'గేమ్ ఓవర్' చిత్రం చెన్నై లో ఇవాళ ప్రారంభమయింది. ఓ సరికొత్త కధ, కథనాలతో తెలుగు, తమిళ భాషలలో ఏకకాలంలో నేటి నుంచి ఏకధాటిగా ఆంద్ర, తెలంగాణ, తమిళనాడు రాష్ట్రాలలోని పలు ప్రదేశాలలో ఈ చిత్రం షూటింగ్ జరుపుకోనుంది అని నిర్మాత ఎస్.శశికాంత్ తెలిపారు. 'లవ్ ఫెయిల్యూర్', 'గురు', విజయాల సరసన ఈ చిత్రం కూడా నిలుస్తుందన్న నమ్మకాన్ని వ్యక్తం చేశారు.