విజయ్ దేవరకొండ.. టాక్సీవాలా చిత్రం తరువాత చాలా హోప్స్ పెట్టుకుని 'డియర్ కామ్రేడ్' అనే సినిమాలో నటిస్తున్న సంగతి తెలిసిందే. ప్రస్తుతం కాకినాడలో ఈ సినిమా షూటింగ్ శరవేగంగా జరుపుకుంటోంది. షూటింగ్ లో విజయ్ యాక్షన్ సీన్స్ చేస్తున్నప్పుడు పెద్ద ప్రమాదం నుంచి తప్పించుకున్నాడు. రైల్వే స్టేషన్ లో ఫుట్ ఓవర్ బ్రిడ్జి పై నుంచి వేగంగా మెట్లు దిగి ఫ్లాట్ ఫామ్ పైన పరుగెత్తుతూ రైలు అందుకోవాలి. ఈ సీన్ లో యాక్ట్ చేస్తున్న టైంలో విజయ్ పరుగెత్తుతూ ట్రైన్ ఎక్కబోయి, ఏకంగా ట్రైన్ కింద పడిపోతుండగా గట్టిగా పట్టుకున్నాడు. వెంటనే పక్కనే ఉన్న సిబ్బంది విజయ్ ను పక్కకు లాగేయడంతో పెద్ద ప్రమాదం నుండి తప్పించుకున్నాడు.
లైఫ్ లో ఏదీ ఈజీగా రాదు...
చేతికి చిన్న గాయంతో బయటపడటంతో అంతా ఉపిరి పీల్చుకున్నారు. ఆ తరువాత విజయ్ హోటల్ కు చేరుకొని తనకు తగిలిన దెబ్బల్ని చూపిస్తూ సోషల్ మీడియాలో ఓ ఫొటో పోస్ట్ చేశాడు. లైఫ్ లో ఏదీ అంతా ఈజీగా రాదు అని పోస్ట్ చేసాడు. ఈ ఘటన జరిగినప్పుడు అక్కడున్న ఓ వ్యక్తి ఈ యాక్సిడెంట్ ను వీడియో తీసి సోషల్ మీడియా లో పోస్ట్ చేసాడు. ప్రస్తుతం ఆ వీడియో సోషల్ మీడియాలో వైరల్ అవుతుంది.