పవన్ కళ్యాణ్ ‘అక్కడ అమ్మాయి.. ఇక్కడ అబ్బాయి’ సినిమాతో వెండి తెరకు పరిచయం అయిన సుప్రియ యార్లగడ్డ.. ఆ తర్వాత వెండితెరకు దూరమైంది. ప్రస్తుతం ఆమె అన్నపూర్ణ స్టూడియోస్ బాధ్యత‌లు, ఆ బ్యానర్ లో తెరకెక్కే సినిమాల నిర్మాణ బాధ్యత‌ల‌ను నిర్వహిస్తోంది. మళ్లీ చాన్నాళ్ల తర్వాత లైమ్‌లైట్‌లోకి వచ్చింది.
అడివిశేష్ హీరోగా వస్తున్న ‘గూఢచారి’ సినిమాలో ఆమె ఒక కీలకమైన పాత్ర చేస్తోంది. దీనికి సంబంధించి ఆమె ఫస్ట్ లుక్ ఒకటి బయటికి రిలీజ్ చేసారు మేకర్స్. ఆ లుక్ లో ఆమె తన ఫస్ట్ మూవీ లో ఎలాగైతే ఉందొ అలానే ఈ సినిమాలో ఉందని అభిమానులు తమ భావాన్ని వ్యక్తం చేస్తున్నారు.
ఆ లుక్ చూస్తుంటే ఆమె అందులో పోలీస్ ఆఫీసర్ పాత్ర చేస్తునట్టు అర్ధం అవుతుంది. మరి ఇది ఎంతవరకు నిజమో తెలియాలంటే సినిమా వచ్చే వరకు ఆగక తప్పదు. ఒకవేళ పోలీస్ పాత్ర కాకపోతే మరి ఏ పాత్ర అయ్యిఉంటది అనేది ఆసక్తికరంగా మారింది. ప్రస్తుతం ఈ సినిమా షూటింగ్ దశలో ఉంది త్వరలోనే రిలీజ్ డేట్ ప్రకటించనున్నారు మేకర్స్.