BJP : తెలంగాణలో బీజేపీ అధికారంలోకి వస్తుందా? ఇలాగేనా?

బీజేపీ జాతీయ పార్టీగా దక్షిణాదిన కొంత ఇబ్బందులు పడుతుంది. ఆ పార్టీకి పటిష్టమైన ఓటు బ్యాంకు లేదు. ప్రాంతీయ పార్టీలు ఎక్కువగా ఉండటంతో దక్షిణాది రాష్ట్రాల్లో కమలం పార్టీ రాణించలేకపోతుంది. ఒక్క కర్ణాటక మినహా మరెక్కడా కాలు మోపడానికి కూడా ఇబ్బందులు పడుతుంది. అలాంటిది గత కొన్నాళ్లుగా తెలంగాణలో బలంగా కనిపిస్తుంది. అనేక చర్యల ద్వారా తెలంగాణలో పార్టీకి భవిష్యత్ ఉందన్న నమ్మకాన్ని కలిగించే విధంగా వాతావరణం ఉంది. దీంతో పాటు ప్రధాని నరేంద్ర మోదీ చరిష్మాతో పాటు డబుల్ ఇంజిన్ సర్కార్ వంటి నినాదాలతో ఇక్కడ నిలదొక్కుకోగలిగింది. రాష్ట్ర నాయకత్వం కంటే ఢిల్లీ నాయకత్వాన్ని చూసే ఇక్కడ ఓటు బ్యాంకు అంతో ఇంతో పెరిగిందని చెప్పాలి.

తెలంగాణలో బీసీ ఓటు బ్యాంకు ఎక్కువగా ఉండటంతో బీసీని ముఖ్యమంత్రిని చేస్తామని ప్రకటించడం కొంత సానుకూల అంశంగానే చూడాలి. అలాగే అత్యధిక శాతం ఉన్న మాదిగ రిజర్వేషన్ల సమస్య పరిష్కారానికి ప్రధాని మోదీ హామీ ఇచ్చి వారిని తమ వైపునకు తిప్పుకోగలిగారు. దీంతో పాటు నగరాల్లో బీజేపీ కొంత బలం పుంజుకుందనే చెప్పాలి. ప్రత్యేక పరిస్థితుల్లో కొన్ని నియోజకవర్గాలు.. ఉత్తర తెలంగాణలో బీజేపీ పట్టు సంపాదించుకోగలిగింది. దీంతో గత లోక్‌సభ ఎన్నికల్లో నాలుగు పార్లమెంటు స్థానాలను గెలుచుకున్న బీజేపీ ఈసారి పవర్ లోకి రావడం ‍ఖాయమని భావిస్తుంది. బీజేపీ అనుకూల, ప్రతికూలతలను ఒకసారి పరిశీలిస్తే...