KCR : చేర్యాల సభలో రేవంత్ రెడ్డి పై కేసీఆర్ ఫైర్

అందుకే జనగామలో పల్లా రాజేశ్వర్ రెడ్డిని గెలిపించాలని కోరారు. కాంగ్రెస్ వస్తే మూడు గంటలు మాత్రమే కరెంటు ఇస్తారని అన్నారు. కరెంటు బాధలు తప్పవని, ఇప్పటికైనా ముందుగా ఆలోచించి నిర్ణయం తీసుకోవాలని అన్నారు. తాను కోరుకునేది ఒక్కటేనని మూడు కోట్ల వరి ధాన్యాన్ని పండిస్తున్న తెలంగాణను మళ్లీ పాడు చేసుకోవద్దని కోరారు. మీటర్లు పెట్టలేదని మోడీ ఇరవైఐదు కోట్ల రూపాయలు ఎగ్గొట్టారని, అయినా తాను వెనక్కు తగ్గలేదని, మోదీ ఆర్డర్ వేసినా తాను పాటించలేదన్నారు. ఉత్తమ్ కుమార్ రెడ్డి సంక్షేమ పథకాలతో కేసీఆర్ దుబారా చేస్తున్నారన్నారు.

గడచిన పదేళ్లలో తెలంగాణ అన్ని రంగాల్లో అభివృద్ధి చెందిందన్నారు. రానున్న కాలంలో అన్ని రకాలుగా ఇంకా అభివృద్ధి చేసుకుని ముందుకు వెళదామని తెలిపారు. కొత్త జిల్లాలకు బీజేపీ ప్రభుత్వం నవోదయ స్కూళ్లను కూడా ఏర్పాటు చేయలేదన్నారు. అధికారంలోకి వచ్చాక చేర్యాలను డివిజన్ ను చేస్తామని హామీ ఇచ్చారు. ఇంకా అనేక సంక్షేమ పథకాలను రూపొందించి తెలంగాణ ప్రజలకు అండగా నిలుస్తానని తెలిపారు. చేర్యాల వస్తే తన సొంత ఊరు వచ్చినట్లుందన్నారు. మల్లన్న సాగర్ నీళ్లు చేర్యాలకు తరలిస్తామని తెలిపారు. ఇక ఈ ప్రాంతంలో కరువు ఉండదని ఆయన అన్నారు. కాంగ్రెస్ అధికారంలోకి వస్తే మళ్లీ పాతరోజులు వస్తాయని హెచ్చరించారు.