KTR : ఈడీ విచారణకు హాజరైన కేటీఆర్

కేటీఆర్ ఈడీ కార్యాలయానికి వస్తుండటంతో ఉదయం నుంచే ఈడీ కార్యాలయం వద్ద పోలీసులు భారీ బందోబస్తును ఏర్పాటు చేశారు. నిజానికి ఈ నెల 7వ తేదీన ఈడీ కార్యాలయానికి విచారణ నిమిత్తం కేటీఆర్ రావాల్సి ఉండగా, హైకోర్టులో తీర్పు రిజర్వ్ లో ఉండటంతో సమయం కోరారు. ఇందుకు ఈడీ అధికారుల అంగీకరించి నేడు విచారణకు రావాలని కేటీఆర్ కు మరోసారి నోటీసులు జారీ చేశారు. ఆయనను నేడు సుదీర్ఘంగా ఈడీ అధికారులు విచారణ చేయనున్నారు. బీఆర్ఎస్ శ్రేణుల్లో ఉత్కంఠ నెలకొంది. ఈడీ కార్యాలయానికి వచ్చే దారులన్నీ మూసివేశారు. దీంతో నేడు ఈడీ విచారించి కేటీఆర్ ను వదిలేస్తుందా? లేక అరెస్ట్ చేస్తుందా? అన్న టెన్షన్ గులాబీ పార్టీ నేతల్లో ఉంది.