గ్రాండ్ గా బిగ్ బాస్ సీజన్ 6 - హౌస్ లోకి ఎవరెవరు వచ్చారో తెలుసా
ఇక రెండవ కంటస్టంట్ గా సుదీప.. అదేనండి మన పింకి ఎంట్రీ ఇచ్చింది. వెంకటేశ్‌ నటించిన నువ్వునాకు నచ్చావ్‌ ..
బుల్లితెర ప్రేక్షకులు ఎంతగానో ఎదురుచూస్తున్న మోస్ట్ అవైటెడ్ షో బిగ్ బాస్ సీజన్ 6 గ్రాండ్ గా ప్రారంభమైంది. అక్కినేని నాగార్జున హోస్ట్ గా చేస్తున్న ఈ రియాలిటీ షో .. ఈసారి సరికొత్త హంగులు, ప్రత్యేకతలతో ఆడియన్స్ ముందుకు వచ్చింది. ఎప్పటిలాగే నాగార్జున బంగార్రాజు పాటతో ఎనర్జిటిక్‌ ఎంట్రీ ఇచ్చారు. ఈ ఫీల్డ్‌లో ఏదైనా కొత్తగా ట్రై చేయాలంటే నా తరువాతేరా అంటూ నాగార్జున ఇచ్చిన పంచ్ డైలాగ్‌ అదిరిపోయింది. ఆ తరువాత మోడల్స్‌తో కలిసి చిందులు వేశారు. అనంతరం ఈ సీజన్ లో హౌస్ ప్రత్యేకతల గురించి వివరించారు.
ఈ సీజన్ లో సీరియల్ నటి. కార్తిక దీపం ఫేమ్ కీర్తి కేశవ్ భట్ ఫస్ట్ కంటస్టంట్ గా ఎంట్రీ ఇచ్చింది. కీర్తి సురేశ్‌ గాంధారీ పాటకు స్టెప్పులేస్తూ బిగ్‌బాస్‌ స్టేజీపైకి వచ్చింది. మనసిచ్చిచూడు సీరియల్ తో బుల్లితెర ప్రేక్షకుల మనసులు గెలుచుకున్న కీర్తి.. కార్తీకదీపంలో హిమగా నటించింది. బెంగుళూరులో పుట్టిపెరిగిన కీర్తికి చిన్నప్పటి నుంచి సినిమాలంటే ఇష్టం. అందులో భాగంగానే యాక్టింగ్‌లో శిక్షణ పొంది డ్యాన్స్ కూడా నేర్చుకుంది. ఉన్నత చదువులు పూర్తికాగానే కన్నడలో బుల్లితెర ఇండస్ట్రీలో కొన్ని సీరియల్స్ లో నటించింది. ఆరేళ్లక్రితం కీర్తి రోడ్డుప్రమాదంలో తన కుటుంబం మొత్తాన్ని కోల్పోయింది.
వీరిద్దరి తర్వాత..నటుడు శ్రీహాన్, జబర్దస్త్ ఫేమ్ చలాకి చంటి, యాంకర్ నేహా చౌదరి, బుల్లితెర నటి శ్రీసత్య, నటుడు అర్జున్ కల్యాణ్, యాంకర్, నటి గీతు రాయల్, డ్యాన్సర్, నటి అభినయశ్రీ, నటీనటులు అండ్ భార్యభర్తలైన రోహిత్-మరీనా, సినీ, బుల్లితెర నటుడు బాలాదిత్య, యాంకర్, నటి వాసంతి, షానీ సాల్మన్, ఇనయ సుల్తానా, ఆర్జే సూర్య, జబర్దస్త్ లేడీ కమెడియన్ ఫైమా, ఆదిరెడ్డి, రాజశేఖర్, ఆరోహి రావు, సింగర్ రేవంత్ హౌస్ లోకి ఎంట్రీలు ఇచ్చారు.