Kohli : బెదిరించిన కేసులో హైదరాబాదీ అరెస్ట్

విరాట్ కొహ్లిని బెదిరించిన కేసులో హైదరాబాద్ లో ఒక యువకుడిని ముంబయి పోలీసులు అరెస్ట్ చేశారు. పాకిస్థాన్ తో జరిగిన మ్యాచ్ లో ఇండియా ఓటమి పాలు కావడంతో కొహ్లిని బెదిరిస్తూ ఒక యువకుడు పోస్టింగ్ లు పెట్టారు. కొహ్లి కుమార్తె పై అసభ్యకరంగా వ్యాఖ్యానించాడు. దీనిపై మీడియాలో వచ్చిన వార్తల ఆధారంగా ఢిల్లీ మహిళ కమిషన్, డిప్యూటీ కమిషనర్ ఆఫ్ పోలీస్ లు సుమోటోగా కేసు నమోదు చేశారు.

సాఫ్ట్ వేర్ సంస్థలో….

నిందితుడు రామ్ నగేష్ హైదరాబాద్ లోని ఒక సాఫ్ట్ వేర్ సంస్థలో పనిచేస్తున్నట్లు గుర్తించారు. గతంలో నగేష్ ఫుడ్ డెలివరీ యాప్ లోనూ పనిచేశాడు. దీనిపై కేసు నమోదు చేసిన ముంబయి పోలీసులు హైదరాబాద్ వచ్చి రామ్ నగేష్ ను అరెస్ట్ చేసి ముంబయికి తీసుకెళ్లారు.