కరోనా లాక్ డౌన్: ఎలా ఉండే కమెడియన్ ఎలా అయిపోయాడో?

ఎప్పుడెప్పుడు ఖాళీ దొరుకుతుందా.. ఎప్పుడెప్పుడు  ఫ్యామిలీ కి టైం కేటాయిద్దామా అని ఎదురు చూస్తుంటారు.. సినిమా హీరో హీరోయిన్స్, క్యారెక్టర్ ఆర్టిస్టులు. అయితే ఎప్పుడు బిజీగా ఉండే తారాగణం మొత్తం.. కరోనా లాక్  డౌన్ దెబ్బకి.. ఏకంగా మూడు నెలలు ఖాళీ సమయం దొరికేసింది. మూడు నెలలుగా రకరాకాల పనులు చేసి బోర్ కొట్టేసిన వారికీ షూటింగ్ ఎప్పుడు మొదలవుతుందా అని ఎదురు చూస్తుంటే.. టాలీవుడ్ టాప్ కమెడియన్ వెన్నెల కిషోర్ మాత్రం సీరియల్ పంచుకుంటున్నాడు. వెన్నెల కిషోర్ బోర్ కొట్టి తెలుగు సీరియల్స్ ని ఫాలో అవుతు న్నాడనిపిస్తుంది. ఎందుకంటే వెన్నెల కిషోర్ సోషల్ మీడియాలో టాలీవుడ్ లో టిఆర్పి పరంగా టాప్ రేంజ్ లో దూసుకుపోతున్న ఓ టాప్ సీరియల్  గురించి సోషల్ మీడియాలో పోస్ట్ పెట్టాడు. ఆ పోస్ట్ చూసిన నెటిజెన్స్ వెన్నెల కిషోర్ సీరియల్స్ కూడా ఫాలో అవుతున్నాడో…. ఎలా ఉండే కమెడియన్ ఎలా అయ్యిపోయాడో..  అంటూ కామెడీ చేస్తున్నారు.

ఇంతకీ వెన్నెల మాట్లాడిన ఆ సీరియల్ పేరేమిటి అంటే.. వంటలక్క అదేనండి స్టార్ మా లో రాత్రి 7. 30 గంటలకి  ప్రసారమవుతున్న కార్తీక దీపం సీరియల్ గురించి. తెలుగు రాష్ట్రాల్లో ప్రతి ఇంట్లో ని మోగిపోతున్న కార్తీక దీపం సీరియల్ వెన్నెల కిషోర్ బాగా చూస్తున్నట్టుగా ఉన్నాడు. అందుకే….  ఎందుకమ్మా అంత మంచి డాక్టర్ బాబుకి ఇంత మంచి వంటలక్క అంటే కోపం అంటూ సీరియల్ లో దీప పై జాలి చూపిస్తున్నాడు. మరి టాప్ కమెడియన్ అయ్యి ఉంది.. ఇలా ఓ సీరియల్ గురించి మట్లాడడమే ఆసక్తికరం. ఇప్పుడు తెలుగు రాష్ట్రాల్లో ప్రతి ఒక్క బుల్లితెర గా చూసే కార్తీక దీపం సీరియల్ పై వెన్నెల మాట్లాడడం చూసిన స్టార్ మా కూడా అదే స్టయిల్ లో వెన్నెలకి రిప్లై ఇచ్చింది. త్వరలోనే డాక్టర్ బాబు వంటలక్క మంచితనాన్ని అర్ధం చేసుకుంటారని కోరుకుందాం కిషోర్ గారు అంటూ స్టార్ మా ఇచ్చిన రిప్లై తో నెటిజెన్స్ వెన్నెల కామెడీనే కాదు.. ఇలాంటి చమత్కారాలు భలే చేస్తాడు అంటూ నవ్వుకుంటున్నారు.