Fact Check : ଭାଇରାଲ ଫଟୋରେ ନାହିଁ କୌଣସି ସତ୍ୟତା, ଫଟୋଟି ଏଆଇ ଦ୍ୱାରା ନିର୍ମିତ
ରେଳ ଦୁର୍ଘଟଣାର ଷଡଯନ୍ତ୍ର ଦାବିକରି ଏଆଇ ଫଟୋ କରାଯାଉଛି ଭାଇରାଲ
communal claim
କାନପୁର ମୁଡେରି ଗାଁ ନିକଟରେ ରେଳ ଲାଇନ ଉପରେ ରଖା ଯାଇଥିଲା ଏକ ଗ୍ୟାସ ସିଲିଣ୍ଡର । ପ୍ରୟାଗରାଜ- ଭିୱାନି କାଳିନ୍ଦୀ ଏକ୍ସପ୍ରେସ ହୋଇଥାଆନ୍ତା ଦୁର୍ଘଟଣାଗ୍ରସ୍ତ । ତେବେ ଲୋକୋ ପାଇଲଟ୍ ସିଲିଣ୍ଡରଟିକୁ ଦେଖି ହଠାତ୍ ଏମରଜେନସୀ ବ୍ରେକ୍ ମାରି ଟ୍ରେନକୁ ଅଟକାଇ ଦେଇଥିଲେ । ତଥାପି ଟ୍ରେନଟି ସିଲିଣ୍ଡରକୁ ଧକ୍କା ଦେଇଥିଲା । ମାତ୍ର ଲୋକ ପାଇଲଟଙ୍କ ତ୍ୱରିତ ପଦକ୍ଷେପ ଯୋଗୁଁ ଏକ ବଡ଼ ଧରଣର ଟ୍ରେନ୍ ଦୁର୍ଘଟଣାକୁ ଏଡାଇ ଦିଆଯାଇଛି । କାଳିନ୍ଦୀ ଏକ୍ସପ୍ରେସ ହରିୟାଣାର ଭିୱାନି ଅଭିମୁଖେ ଯାଉଥିବା ବେଳେ ଟ୍ରେନର ଲୋକ ପାଇଲଟ୍ ରେଳ ଧାରଣାରେ ଗୋଟିଏ ସିଲିଣ୍ଡର ଥିବା ଦେଖିଥିଲେ । ତେବେ ଲୋକ ପାଇଲଟ ଟ୍ରେନ୍ ଜରୁରୀକାଳୀନ ବ୍ରେକ୍ ମାରିବା ସତ୍ତ୍ୱେ ଟ୍ରେନ୍ ସିଲିଣ୍ଡରକୁ ଧକ୍କା ଦେଇଥିଲା । କିନ୍ତୁ ଏଥିର କୌଣସି ଯାତ୍ରୀଙ୍କର କିଛି କ୍ଷତି ହୋଇନାହିଁ । ଘଟଣାସ୍ଥଳରେ ଟ୍ରେନଟି ପ୍ରାୟ ୨୦ ମିନିଟ୍ ରହିବା ପରେ ଯାତ୍ରା କରିଥିଲା । ତେବେ ଟ୍ରାକ୍ରେ ଥିବା ଏହି ସିଲିଣ୍ଡର ପାଖରେ ପେଟ୍ରୋଲ ଭର୍ତ୍ତି ଏକ ବୋତଲ, କିଛି ଦିଆସିଲି, ଗୋଟିଏ ବ୍ୟାଗ ଓ କିଛି ସନ୍ଦେହଜନକ ଦ୍ରବ୍ୟ ପୋଲିସ ଓ ଆରପିଏଫ୍ ଜବତ କରିଛନ୍ତି ।
ଇତିମଧ୍ୟରେ ଏକ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଫଟୋରେ ଜଣେ ବ୍ୟକ୍ତି ଏକ ବିରାଟ ପଥର ଧରି ଏକ ରେଳଟ୍ରାକ୍ ଉପରେ ବସିଥିବାର ଦେଖା ଯାଇଛି ।
ସୋସିଆଲ ମିଡିଆରେ ୟୁଜର୍ସ ଏକ ଲେଖା ସହ ଉକ୍ତ ଫଟୋଟି ପୋଷ୍ଟ କରିଥିଵାର ଦେଖା ଦେଇଛି । ଲେଖାରେ ଉଲ୍ଲେଖ ରହିଛି "କର ନିର୍ମାଣ ନୂଆ ରେଳପଥ, ତେଜସ ଆଉ ବନ୍ଦେଭାରତ ! ଯଦି ତୁମେ ନିର୍ମାଣ କରିବା ଶିଖିଛ ଆମକୁ ବିଧ୍ବଂଶ କରିବା ଜଣା। ଆମଭଳି ଶାନ୍ତିପ୍ରିୟ ମାନଙ୍କୁ ଭଙ୍ଗା ଭଙ୍ଗି, ଜଳା ପୋଡ଼ା ଉପରେ ୧୪୦୦ ବର୍ଷର ଅଭିଜ୍ଞତା ଅଛି" I
ସେହିପରି ଉକ୍ତ ଲେଖାଟିକୁ ହିନ୍ଦୀରେ ଲେଖି କିଛି ୟୁଜର୍ସ ସେୟାର କରୁଥିବାର ମଧ୍ୟ ଦେଖାଯାଏ
ସତ୍ୟାସତ୍ୟ:
ଦାବିରେ ନାହିଁ କୌଣସି ସତ୍ୟତା, ଉକ୍ତ ଫଟୋଟି ଏଆଇ ଦ୍ୱାରା ନିର୍ମିତ
ଗୁଗୁଲରେ ଏନେଇ ଅନୁସନ୍ଧାନ କରିବାରୁ କୌଣସି ଖବର ପ୍ରସାରଣ ହୋଇନଥିବା ଜଣାଯାଇଛି ।
ରିଭର୍ସ ଇମେଜ ସର୍ଚ୍ଚ କରିବାରୁ ଭାଇରାଲ ଫଟୋ ପରି ଦିଶୁଥିବା ଫଟୋ ସହ ସମାନ ଲେଖା ବହୁ ୟୁଜର୍ସ ସେୟାର କରିଥିଵାର ଦେଖିବାକୁ ପାଇଥିଲୁ ।
ଫଟୋ ଗୁଡିକର ସତ୍ୟତା ଯାଞ୍ଚ କରିବାକୁ ଯାଇ is it ai ଟୁଲ୍ ର ସାହାଯ୍ୟ ନେଇଥିଲୁ । ଯାଞ୍ଚ ହୋଇଥିବା ଫଟୋରେ ଜଣେ ବ୍ୟକ୍ତି ଧଳା ରଙ୍ଗର କପଡାପିନ୍ଧିଥିଲେ ଏବଂ ଦାଢ଼ି ମଧ୍ୟ ରଖିଥିଲେ । ଗୋଟିଏ ପଥର ଧରି ଉକ୍ତ ବ୍ୟକ୍ତି ଜଣଙ୍କ ଏକ ରେଳ ଧାରଣାରେ ବସିଥିବାର ଦେଖାଯାଇଛି ।
ଉକ୍ତ ଫଟୋଟି ୮୧% ଏଆଇ ଦ୍ୱାରା ନିର୍ମିତ ବକି ନିଜ ରିପୋର୍ଟରେ ପ୍ରକାଶ କରିଛି is it ai.
ସେହିଭଳି ଫଟୋଟିକୁ ଆପଣ ଯଦି ସଠିକ ଭାବେ ଅନୁଧ୍ୟାନ କରିବେ ଫଟୋରେ ଏକ ଲୋଗୋ ଥିବାର ଦେଖିବାକୁ ପାଇଥିଲୁ । ଲୋଗୋରେ 'imagined with ai' ଲଖାଥିବାର ଦେଖାଯାଇଛି । ସେହିପରି ଅନ୍ୟ ଫଟୋ ଗୁଡ଼ିକରେ ମଧ୍ୟ ସମାନ ଲୋଗୋ ଥିବାର ଜଣାଯାଇଛି ।
ଯେତେବେଳେ ଆମେ ଗୁଗୁଲରେ 'imagined with ai' ଲେଖି ଅନୁସନ୍ଧାନ କରିଥିଲୁ, ଏହା ଏକ ଅନଲାଇନ ଏଆଇ ଟୁଲ୍ ବୋଲି ଜାଣିବାକୁ ପାଇଥିଲୁ । ଯାହାକି ମେଟା ଦ୍ୱାରା ପ୍ରସ୍ତୁତ, ଯେଉଁଥିରେ ୟୁଜର୍ସ ଆବଶ୍ୟକ ମୁତାବକ ଫଟୋ ନିର୍ମାଣ କରିପାରିବେ, ଯାହାକି ଅନ୍ୟୁନ୍ୟ ସତ ଫଟୋ ଭଳି ଦିଶିବ ।
ତେଣୁ ଫଟୋ ଗୁଡ଼ିକ imagined with ai' ଟୁଲ୍ ଦ୍ୱାରା ନିର୍ମିତ ବୋଲି ଏଥିରୁ ପମାଣିତ ହୋଇଛି ।
ସେହିପରି ଆଉ ଏକ ଫଟୋକୁ ହାଇଭ ମୋଡରେସନ ରେ ପରିକ୍ଷଣ କରିବାରୁ ୯୮ % ଏଆଇ ଦ୍ୱାରା ନିର୍ମିତ ବୋଲି ଜଣାପଡିଛି ।
ତେଣୁ ଏଥିରୁ ପ୍ରମାଣିତ ହେଲାଯେ ଉକ୍ତ ଦାବିରେ ନାହିଁ କୌଣସି ସତ୍ୟତା, ଭାଇରାଲ ହେଉଥିବା ଫଟୋ ଗୁଡିକ ଏଆଇ ଦ୍ୱାରା ନିର୍ମିତ ।