రేపు కడప జిల్లాకు జగన్?

ఆంధ్రప్రదేశ్ ముఖ్యమంత్రి వైఎస్ జగన్ రేపు కడప జిల్లాలో పర్యటించనున్నారు. వరద ప్రభావిత ప్రాంతాల్లో జగన్ పర్యటించనున్నారు. భారీ వర్షాలు కొద్దిగా తగ్గుముఖం పట్టడంతో గురువారం కడప జిల్లాకు వెళ్లాలని జగన్ నిర్ణయించారు. ఇటీవల కురిసిన భారీ వర్షాలు, వరదల కారణంగా కడప, అనంతపురం, నెల్లూరు, చిత్తూరు జిల్లాల్లో భారీ నష్టం సంభవించిన సంగతి తెలిసిందే. పునరావాస శిబిరాల నుంచి బాధితులు ఇప్పుడిప్పుడే ఇంటికి చేరుకుంటున్నారు.