మంచి జరిగితేనే తోడుగా నిలవండి : జగన్

అబద్దాలు నమ్మవద్దని, రాబోయే రోజుల్లో మరింత ఎక్కువవుతాయని అన్నారు. మంచి జరిగి ఉంటేనే తనకు తోడుగా నిలబడమని ముఖ్యమంత్రి జగన్ కోరారు. డోన్‌లో జరిగిన బహిరంగ సభలో ఆయన మాట్లాడారు. ప్రతి గ్రామంలో పాలన మారిందన్నారు. యాభై ఇళ్లకు ఒక వాలంటీరు వచ్చారన్నారు. లంచాలకు తావులేకుండా పాలన చేస్తున్నామని తెలిపారు. గ్రామ స్థాయిలో అన్ని సౌకర్యాలు కల్పిస్తున్నామని చెప్పారు. మీ గ్రామాల్లో జరిగే అభివృద్ధిని గమనించాలని కోరుతున్నానని ప్రజలను కోరారు. విద్య, వైద్య రంగాల్లో ఎన్నో మార్పులు తీసుకువచ్చామని తెలిపారు. చంద్రబాబు హయాంలో దోచుకోవడం, దానికి దత్తపుత్రుడికి పంచిపెట్టడం మినహా మరేం జరిగిందని ప్రశ్నించారు. గ్రామాల్లో విలేజ్ క్లినిక్‌లను ఏర్పాటు చేశామని తెలిపారు. చంద్రబాబు పాలనలో ఆయన దోపిడీకి కొన్ని మీడియా సంస్థలు కొమ్ముకాశాయన్నారు. అందరికీ సామాజికన్యాయం అందించడంలో తమ ప్రభుత్వానికి ఎవరూ సాటి లేరని చెబుతున్నానని అన్నారు.