దివంగత మంత్రి మేకపాటి గౌతమ్ రెడ్డి ఉత్తర క్రియలు నేడు నెల్లూరు జిల్లా ఉదయగిరిలో జరగనున్నాయి. మేకపాటి గౌతమ్ రెడ్డి మరణించి నేటికి పదోరోజు. ఇందుకోసం ఉత్తర క్రియల కార్యక్రమాన్ని కుటుంబ సభ్యులు నిర్వహిస్తున్నారు. ఉదయగిరిలోని మేకపాటి కుటుంబానికి మెరిట్స్ కళాశాలలో ఈ కార్యక్రమాలు జరుగుతాయి. మేకపాటి గౌతమ్ రెడ్డి చిన్నప్పటి నుంచి మరణించే ముందు వరకూ ఉన్న జ్ఞాపకాలను ఇక్కడ ప్రదర్శిస్తున్నారు.
ప్రత్యేక ఏర్పాట్లు....
ఇదంుకోసం ప్రత్యేకంగా ఐదు ఎల్‌సీడీ స్క్రీన్ లను ఏర్పాటు చేశారు. ఈ కార్యక్రమం కోసం రాష్ట్రం నలుమూలల నుంచి వైసీపీ కార్యకర్తలు, మేకపాటి అభిమానులు తరలి రానున్నారు. ఈ కార్యక్రమానికి పది మంది మంత్రులు, ఎంపీలతో పాటు, యాభై మందికి పైగా ఎమ్మెల్యేలు హాజరయ్యే అవకాశముంది. ఇక్కడకు వచ్చే ఏ ఒక్కరికీ ఇబ్బంది లేకుండా చూడాలని మాజీ ఎంపీ మేకపాటి రాజమోహన్ రెడ్డి ఆదేశించారు.