విజయసాయి వెరైటీ ట్వీట్

తాజాగా తెలుగుదేశం పార్టీ అధినేత చంద్రబాబునాయుడు స్కిల్ డెవలెప్‌మెంట్ స్కామ్ కేసులో అరెస్ట్ అయిన సంగతి తెలిసిందే. ఆయనకు ఈ నెల 22వరకూ ఏసీబీ ప్రత్యేక న్యాయస్థానం రిమాండ్ విధించిన సంగతీ విదితమే. ఆయనను తెల్లవారు జామున రాజమండ్రి సెంట్రల్ జైలుకు తీసుకెళ్లారు. అయితే చంద్రబాబుకు జైలు అధికారులు ఖైదీ నెంబరు 7691 నెంబరును కేటాయించారు.

దీనిపై విజయసాయిరెడ్డి ట్వీట్ చేశారు. "చంద్రబాబు ఖైదీ నెంబరు 7691. 7+6+9+1 = 23. మీకు 2023 చివరి సంవత్సరం. 2024 నుంచి రాజకీయ యవనికపై ఇక కనిపించరు. మీ మామగారు ఎంత మనోవేదనకు చెందారో ఇప్పుడు అర్థం అయ్యుంటుంది మీకు" అంటూ ట్వీట్ చేశారు. ఇది సోషల్ మీడియాలో వైరల్ గా మారింది.