Gold Price Today : మళ్లీ షాకిచ్చిన బంగారం ధరలు.. ఈరోజు ఎంత పెరిగాయంటే?

ఇప్పటికే తులం బంగారం ధర 90 వేలకు చేరుకుంది. కిలో వెండి ధర 1,13 లక్షల రూపాయలు పలుకుతుంది. ఇంకా ఎంత పెరుగుతాయో చెప్పలేమంటున్నారు. డిమాండ్ తగినంత లేకపోయినా ధరలు పెరగడానికి వేరే కారణాలున్నాయని చెబుతున్నారు. ఇతర దేశాల నుంచి దిగుమతి కావాల్సిన బంగారం నిల్వలు రాకపోవడంతో ధరల పెరుగుదల ప్రారంభమయిందని చెబుతున్నారు. ఈ ఏడాది ఆరంభం నుంచి మొదలయిన పసిడి పరుగు ఇక ఆగడం మాత్రం జరగడం లేదు. మధ్యలో బ్రేకులు పడుతున్నా ధరలు దిగివస్తాయని ఆశగా చూస్తున్న వారికి మాత్రం నిరాశ ఎదురవుతుంది. కొనుగోలు చేయాలనుకున్న వారు కూడా ధరలను చూసి వెనక్కు తగ్గుతున్నారు.

పెళ్లిళ్ల సీజన్ నడుస్తుండటంతో ధరలు మరింత పెరగడమే కాని, ఇక తగ్గడమనేది జరగదని మార్కెట్ నిపుణులు అంచనా వేస్తున్నారు. బంగారాన్ని ఎంత ధర పెట్టి కొనుగోలు చేసినా నష్టం రాదని చెబుతున్నారు. ఈరోజు దేశంలో బంగారం ధరలు పెరిగాయి. వెండి ధరల్లో కూడా పెరుగుదల కనిపించింది. పది గ్రాముల బంగారం ధరపై పది రూపాయలు పెరిగింది. కిలో వెండి ధరపై వంద రూపాయలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరల వివరాలు ఇలా ఉన్నాయి. 22 క్యారెట్ల పది గ్రాముల బంగారం ధర 82,510 రూపాయలుగా ఉంది. 24 క్యారెట్ల పది గ్రాముల బంగారం ధర 90,010 రూపాయలకు చేరుకుంది. కిలో వెండి ధర 1,13,100 రూపాయలుగా నమోదయింది.