Gold Price Today : 90వేలకు చేరుకున్న బంగారం.. వెండి ధరలు కూడా పైపైకి

పెళ్లిళ్ల సీజన్ మరికొన్ని నెలల పాటు నడుస్తుంది. శుభకార్యాలకు ఖచ్చితంగా బంగారాన్ని కొనుగోలు చేయడం దక్షిణ భారత దేశంలో సంప్రదాయంగా వస్తున్న సంస్కృతి, సంప్రదాయం. అయినా సరే బంగారం ధరల పెరుగుదలను చూసి శుభకార్యాలకు కూడా బంగారం కొనుగోలును తగ్గించుకున్నారు. తమకు అవసరం కంటే మరీ తక్కువగా కొనుగోలు చేయడం అలవాటుగా మార్చుకున్నారు. ఇక ఇటీవల కేంద్ర ప్రభుత్వం బంగారం తాకట్టు విషయంలో పెట్టిన నిబంధనలను కూడా కొనుగోళ్లపై ప్రభావం చూపించిందంటున్నారు. బంగారం, వెండి ధరలపై పెట్టుబడి పెట్టే వారితో పాటు కొన్ని వర్గాలు మాత్రమే కొనుగోలుకు సిద్ధమవుతుండటంతో అమ్మకాలు దారుణంగా పడిపోయాయి.

బంగారం అంటే అందరికీ మోజు. కానీ ధరలను చూసి జడుసుకునే పరిస్థితి వచ్చింది. పసిడిని అంత ధరను వెచ్చించి కొనుగోలు చేయడం వృధా అని భావించే రోజులు వచ్చేశాయని చెప్పొచ్చు. ఎందుకంటే అనేక కారణాలతో ఇంకా ధరలు పెరుగుతాయని, త్వరలోనే పది గ్రాముల బంగారం ధర లక్షకు చేరుకుంటుందని చెబుతున్నా ఎవరూ కొనుగోలుకు మొగ్గు చూపడం లేదు. అయితే దేశంలో నేడు బంగారం ధరలు స్వల్పంగా తగ్గాయి. వెండి ధరల్లో కూడా కొద్దిగా తగ్గుదల కనిపించింది. పది గ్రాముల బంగారం ధరపై పది రూపాయలు తగ్గింది. కిలో వెండి ధరపై వంద రూపాయలు తగ్గింది. ఉదయం ఆరు గంటలకు హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 82,190 రూపాయలుగా నమోదయింది. 24 క్యారెట్ల పది గ్రాముల బంగారం ధర 89,660 రూపాయలుగా ఉంది. కిలో వెండి ధర 1,11,900 రూపాయలుగా ట్రెండ్ అవుతుంది.