ఇది వార్నర్ విజయమే

తొలుత బ్యాటింగ్ చేసిన కోల్‌కత్తా నైట్ రైడర్స్ ఆది నుంచి తడబడింది. బౌలింగ్ పిచ్ కావడం మూలనేమో... వరసగా వికెట్లు పడిపోయాయి. అత్యంత తక్కువగా 127 పరుగులే చేసింది. అదీ చివరిలో ఆండ్రూ రసెల్ విజృంభించి ఆడకపోతే ఆ మాత్రం స్కోరు కూడా రైడర్స్‌కు దక్కేది కాదు. 127 స్వల్ప లక్ష్యంతో బరిలోకి దిగిన ఢిల్లీ క్యాపిటల్స్ ప్రారంభంలో కొంత కుదుటుగానే ఆడారు. ఎప్పటిలాగానే పృధ్వీ షా తక్కువ పరుగులకే అవుటయ్యాడు. కెప్టెన్ వార్నర్ మాత్రం 57 పరుగులు చేసి విజయానికి ప్రాణం పోశాడు. చివరిలో అక్షర్ పటేల్ పందొమ్మిది పరుగులు చేసి లక్ష్యాన్ని 19.2 ఓవర్లలో పూర్తి చేశాడు. ఢిల్లీ క్యాపిటల్స్ అభిమానులు హమ్మయ్య అని ఊపిరి పీల్చుకున్నారు.