ఎట్టకేలకు విజయాన్ని అందుకున్న ముంబై ఇండియన్స్

ముంబై : 5 సార్లు ఐపీఎల్ ఛాంపియన్ అయిన ముంబై ఇండియన్స్ కు ఈ సీజన్ ఒక చేదు జ్ఞాపకం. ఎందుకంటే వరుసగా దారుణమైన ఓటములను అందుకుంది రోహిత్ శర్మ సేన..! బౌలింగ్, బ్యాటింగ్.. ఇలా అన్నింటిలోనూ దారుణంగా విఫలమవుతూ విజయాలన్నవే చూడలేదు. ఇప్పుడు ఎట్టకేలకు ముంబై ఇండియన్స్ జట్టు విజయాన్ని అందుకుంది. ఎనిమిది మ్యాచ్ లు ఓడిపోయిన తర్వాత.. తొమ్మిదో మ్యాచ్ లో రాజస్థాన్ రాయల్స్ మీద విజయాన్ని అందుకుంది. రాజస్థాన్ రాయల్స్‌తో జరిగిన మ్యాచ్‌లో 5 వికెట్ల తేడాతో విజయం సాధించింది. ఎట్టకేలకు ముంబై బౌలర్లు రాణించి రాయల్స్‌ను 158 పరుగులకే కట్టడి చేయగా.. ఆ తర్వాత సూర్యకుమార్ యాదవ్ అర్ధ సెంచరీ.. మిడిల్ ఆర్డర్ ఆటగాళ్లు పరుగులు సాధించడంతో ముంబై విజయం సాధించింది. 159 పరుగుల విజయ లక్ష్యంతో బరిలోకి దిగిన ముంబై ఇండియన్స్ మరో నాలుగు బంతులు మిగిలి ఉండగానే 5 వికెట్లు కోల్పోయి విజయాన్ని అందుకుంది.