అతడి ఆట తీరుపై ఆందోళన వ్యక్తం చేసిన మహేళ జయవర్ధనే

ముంబై ఇండియన్స్ వరుస ఓటములు ఫ్యాన్స్ ను మాత్రమే కాదు.. ముంబై ఇండియన్స్ కోచింగ్ బృందాన్ని కూడా ఎంతగానో బాధిస్తోంది. ముఖ్యంగా స్టార్ ఆటగాళ్లు ఘోరంగా విఫలమయ్యారు ఈ సీజన్ లో..! ఎడమచేతి వాటం బ్యాటర్ ఇషాన్ కిషన్‌ను ఐపీఎల్ మెగా వేలంలో ముంబై ఇండియన్స్ రూ. 15.25 కోట్లకు ఎంచుకుంది. రోహిత్ శర్మతో కలిసి జట్టుకు మంచి ప్రారంభానికి ఇవ్వడానికి సహాయపడతాడని ఆశించింది. ఈ సీజన్‌లో మొదటి మ్యాచ్ లో 81 పరుగులు చేసిన తర్వాత, కిషన్ ఘోరంగా విఫలమయ్యాడు. అతని ఫామ్‌ కలవరపెడుతోంది. ఇప్పటి వరకు ఆడిన ఎనిమిది మ్యాచ్‌ల్లో 28.43 సగటుతో 199 పరుగులు చేశాడు. ఈ సీజన్‌లో ముంబై ఇండియన్స్ వరుసగా ఎనిమిదో పరాజయం తర్వాత.. ప్రధాన కోచ్ మహేల జయవర్ధనే మాట్లాడుతూ, కిషన్ ఆట తీరును తాము గమనిస్తూ ఉన్నామని అన్నారు.