ఈ రోజుల్లో విడాకులు చాలా కామన్ : హీరో సుమంత్

విడాకుల గురించి మాట్లాడుతూ.. "నాకు తెలిసిన చాలా మంది విడాకులు తీసుకున్నారు. మా కుటుంబంలో కూడా విడాకులున్నాయి. దురదృష్టవశాత్తూ ఇప్పుడు విడాకులు అనేవి చాలా కామన్ అయిపోయాయి. ఈ విషయంలో దురదృష్టం అని కూడా అనలేము. అలా జరుగుతున్నాయంతే. కానీ రెండో పెళ్లి విషయానికొచ్చేసరికి కొన్ని కష్టాలున్నప్పటికీ సర్ధుకుపోతున్నారు. రెండో పెళ్లి కూడా ఫెయిల్ అయితే ఒక నెగిటివ్ ముద్ర పడిపోతుందని చాలా మంది రెండో పెళ్లిని ఎలాగోలా కొనసాగించాలని అంతా అనుకుంటున్నారు." అని సుమంత్ పేర్కొన్నారు.

తొలిప్రేమ ఫేమ్ కీర్తిరెడ్డిని పెళ్లాడిన సుమంత్.. ఆ తర్వాత మనస్పర్థల కారణంగా విడాకులు తీసుకున్నారు. ఇటీవలే అక్కినేని వారి కుటుంబంలో సమంత - నాగచైతన్య విడాకులు తీసుకున్న సంగతి తెలిసిందే. ఈ నేపథ్యంలో తాజాగా విడాకులపై సుమంత్ చేసిన కామెంట్స్ ప్రాముఖ్యతను సంతరించుకున్నాయి.