వి హిట్టయితే చూద్దామనుకుంటున్నారా?

ఐదునెలల మొండిగా ఉండి ఎట్టకేలకు ఓటిటికి ఓకె చెప్పిన వి సినిమా రేపు ఐదో తారీఖున అమెజాన్ ప్రైమ్ లో విడుదల కాబోతుంది. దిల్ రాజు కానీ, నాని కానీ, సుధీర్ బాబు కానీ వి సినిమాని ఓటిటికి ఇవ్వడానికి ఇష్టపడకపోయినా.. చివరికి థియేటర్స్  ఎప్పుడు ఓపెన్ అవుతాయో క్లారిటీ లేక.. అమెజాన్ ఇచ్చిన భారీ ఆఫర్ కి వి ని ఇచ్చేసారు. వి తో పాటు మరో మూడు సినిమాలు కూడా ఓటిటిలో విడుదల చెయ్యాలో లేదో పాలుపోవడం లేదు. అవి ఇంకా బెట్టు చేస్తూనే ఉన్నాయి. వి తో నాని సాహసం చేసాడు. కానీ అనుష్క, రామ్, ఉప్పెన టీంలు ఓ డెసిషన్ తీసుకోలేకపోతున్నాయి.

అయితే తాజా సమాచారం ప్రకారం వి సినిమా హిట్ అయితే అంటే అమెజాన్ ప్రైమ్ లో వి సినిమాకి వచ్చే వ్యూస్ ని బట్టి తమ సినిమాలు ఓటిటికి ఇచ్చే ఆలోచనలో నిశ్శబ్దం, ఉప్పెన టీం లు ఉన్నాయట. వి సినిమా గనక అనుకున్న వ్యూస్ ని రీచ్ అయితే తమ సినిమాలు ఓటిటికి ఇచ్చేద్దాం, అలాగే వి సినిమాకి హిట్ టాక్ పడినా, హిట్ రివ్యూస్ వచ్చినా తమ సినిమాలను కూడా ఓటీటీకి అమ్మేద్దామనే ప్లాన్ లో ఉన్నారట. అందుకే ఇప్పటివరకు ఓటిటీల ఆఫర్స్ ని హోల్డ్ లో ఉంచాయంటున్నారు. మరి వి సినిమా హిట్ తోనే నిశ్శబ్దం, ఉప్పెన సినిమాల ఓటిటి విడుదలలు ఆధారపడిఉన్నాయంటున్నారు.