Fact Check: ଭୁବନେଶ୍ୱରରେ ବେପାରୁଆ ଗାଡ଼ି ଚାଳନା ଭିଡିଓ ଭାଇରାଲ, ବିଭିନ୍ନ ଭୁଲ୍ ଦାବି ସହ ୟୁଜର୍ସ କଲେ ସେୟାର

୧୭ ସେପ୍ଟେମ୍ବର ୨୦୨୪ ପ୍ରଧାନମନ୍ତ୍ରୀଙ୍କ ଥିଲା ଦିନିକିଆ ଓଡ଼ିଶା ଗସ୍ତ । ସୁରକ୍ଷା ବଳୟ ଭିତରେ ଥାଏ ରାଜଧାନୀ ଭୁବନେଶ୍ୱର । ତା’ ପୂର୍ବରୁ ସୁରକ୍ଷା ବ୍ୟବସ୍ଥା ଦାୟିତ୍ୱରେ ଥିବା ଏସପିଜି ଟିମ୍ ଭୁବନେଶ୍ୱର ପହଞ୍ଚି ସାରିଥିଲେ । ବିମାନ ବନ୍ଦରରେ ପହଞ୍ଚିଥିଲେ ୮ ଜଣିଆ ଏସପିଜି ଟିମ୍ । ପ୍ରଧାନମନ୍ତ୍ରୀଙ୍କ ସୁରକ୍ଷା ପାଇଁ ମୁତୟନ ହୋଇଥିଲେ ୮୧ ପ୍ଲାଟୁନ୍ ଫୋର୍ସ । ୧୧ ଡିସିପି ପଦାଧିକାରୀ ଅଧିକାରୀ, ୨୨ ଅତିରିକ୍ତ ଡିସିପି, ୬୬ ଏସିପି, ୧୦୦ ଆଇଆଇସି, ୩୦୦ ବରିଷ୍ଠ ପୋଲିସ ଅଧିକାରୀ । ବିମାନ ବନ୍ଦରଠୁ ଜନତା ମୈଦାନ ଓ ଗାଡ଼କଣ ପର୍ଯ୍ୟନ୍ତ ନୋ ଫ୍ଲାଇଂ ଜୋନ୍ ରହିବ । ବ୍ୟାପକ ମହିଳା ପୋଲିସ ସହ ସାଧା ପୋଷାକରେ ରହିଥିଲେ ପୋଲିସ । ସେହିପରି ଓଡ୍ରାଫ ଏବଂ ୬ କମ୍ପାନୀ ସିଆରପିଏଫ୍ ମଧ୍ୟ ମୁତୟନ ରହିବେ ବୋଲି ପୋଲିସ କମିଶନର ସୂଚନା ଦେଇଥିଲେ । 

ଗସ୍ତର ଠିକ ଗୋଟିଏ ଦିନ ପୂର୍ବର ଘଟଣା, ଅର୍ଥାତ ୧୬ ସେପ୍ଟେମ୍ବର ୨୦୨୪ । ଏକ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଥିଲା । ଭିଡିଓରେ କିଛି ଯୁବକ ଏକାଧିକ ଗାଡିକୁ ବେପାରୁଆ ଭାବେ ଚଲାଉଥିବାର ଦେଖାଯାଇଥିଲା । ଏପରିକି ଗାଡି ଗୁଡିକ ମଝିରେ ମଝିରେ ଫୁଟପାଥ ଉପରକୁ ମଧ୍ୟ ଉଠାଇ ଦେଉଥିବାର ଭିଡିଓରେ ଦେଖାଯାଇଛି ।

ତେବେ ୟୁଜର୍ସ ଉକ୍ତ ଭିଡିଓଟିକୁ ବିଭିନ୍ନ ଦାବିସହ ସୋସିଆଲ ମିଡିଆରେ ସେୟାର କରିଥିଵାର ଦେଖାଯାଇଛି ।

ଏକ ଡିଜିଟାଲ ମିଡ଼ିଆ ସଂସ୍ଥା ଉକ୍ତ ଭିଡିଓ କୁ ସେୟାର କରି ଉଲ୍ଲେଖ କରିଛନ୍ତି "ଭୁବନେଶ୍ୱର ରାସ୍ତାରେ ବଙ୍ଗଲାଦେଶୀ ପଠାଣଙ୍କ ଆତଙ୍କ" । 

 ସେହିପରି ଆଉଜଣେ ୟୁଟ୍ୟୁବର ଉକ୍ତ ଭିଡିଓକୁ ସେୟାର କରି ଉଲ୍ଲେଖ କରିଛନ୍ତି " କଟକରେ ମୁସଲିମ ପିଲାଙ୍କ ଆତଙ୍କ" 

ସତ୍ୟାସତ୍ୟ : ଦାବିଟି ସମ୍ପୂର୍ଣ୍ଣ ଭ୍ରମାତ୍ମକ, ଭାଇରାଲ ଭିଡିଓଟି ଭୁବନେଶ୍ୱରର ଏବଂ ଉକ୍ତ ଘଟଣାରେ ସମ୍ପୃକ୍ତ ବ୍ୟକ୍ତିମାନେ ଭୁବନେଶ୍ୱର ବାସିନ୍ଦା

ଗୁଗୁଲ ରିଭର୍ସ ଇମେଜ ସର୍ଚ୍ଚରୁ News18 Odiaରେ ଏକ ଖବର ପ୍ରସାରିତ ଏକ ଖବର ଦେଖିବାକୁ ପାଇଥିଲୁ । ଉକ୍ତ ଭିଡିଓ ଟିକୁ ୧୬ ସେପ୍ଟେମ୍ବର ୨୦୨୪ରେ ଅପଲୋଡ଼ କରି ଶୀର୍ଷକରେ ଉଲ୍ଲେଖ କରିଛି " Bhubaneswar News : ଭୁବନେଶ୍ବର ରାସ୍ତା ମଝିରେ...Speed drive in Bhubaneswar " 

ଭିଡିଓର ୧.୪୬ ଟାଇମଷ୍ଟାମ୍ପରେ ଉକ୍ତ ଖବରକୁ ବିସ୍ତୃତ ଭାବେ ବ୍ୟାଖ୍ୟା କରିଛନ୍ତି News18 Odia ପ୍ରତିନିଧି ଦୀପକ କୁମାର ସାମଲ I

ବ୍ୟାଖ୍ୟା କରି ଦୀପକ କହିଛନ୍ତି " ଘଟଣାଟି ଥିଲା ୧୦.୩୦ ରୁ ୧୧ସମୟ ମଧ୍ୟରେ, କିଛି ଯୁବକ ୩ଟି କାରରେ ରାଜଧାନୀର ରାଜରାସ୍ତାରେ ବିଶେଷକରି ରାମ ମନ୍ଦିର ଛକଠାରୁ ରୂପାଲି ଛକ ପର୍ଯ୍ୟନ୍ତ ଏଭଳି ଭାବେ ଭୟଙ୍କର ଅବସ୍ଥାରେ ଗାଡି ଚଳାଉଥିଲେ । ଏହି ସମୟରେ ସେହି ରାସ୍ତାଦେଇ ଯାଉଥିବା ଯାତ୍ରୀ ଭୟବିତ ହୋଇପଡିଥିଲେ ଏପରିକି କିଛି ସମୟ ପାଇଁ ସ୍ଥଗିତ ହୋଇଯାଇଥିଲେ ଏବଂ ଉକ୍ତ ଆତଙ୍କ ଘଟଣାର ଭିଡିଓ ନିଜ ମୋବାଇଲରେ ସୁଟିଙ୍ଗ କରୁଥିଲେ । ଉକ୍ତ ଭିଡିଓ ଗୁଡିକ ସୋସିଆଲ ମିଡିଆରେ ଭାଇରାଲ ହେବାପରେ ପୋଲିସ୍ ଏକ ମାମଲା ରୁଜୁ କରି ୫ ଜଣଙ୍କୁ ଗିରଫ କରିଛି ଏବଂ ୩ଟି କାର୍ ମଧ୍ୟ ଜବତ କରିଛି । ଯେଉଁ ପାଞ୍ଚ ଜଣଙ୍କୁ ପୋଲିସ୍ ଗିରଫ କରିଛି ସେମାନେ ହେଉଛନ୍ତି ଭୁବନେଶ୍ୱରର ବିଶେଷ କରି ଝାରପଡ଼ା ଅଞ୍ଚଳର" ।

ତେବେ ଏଥିରୁ ପ୍ରମାଣିତ ହେଲାଯେ ଭାଇରାଲ ଭିଡିଓଟି କଟକର ନୁହେଁ ରାଜଧାନୀ ଭୁବନେଶ୍ବରର ଅଟେ । 

ସେହିପରି News18 ଓଡ଼ିଆ ଏକ ବିସ୍ତୃତ ଖବର ପ୍ରସାରଣ କରି ଉଲ୍ଲେଖ କରିଛି, "ଉକ୍ତ ଘଟଣାରେ ୫ ଜଣଙ୍କୁ ପୋଲିସ୍ ଗିରଫ କରିଛି, ଗିରଫ ଅଭିଯୁକ୍ତ ମାନେ ଭୁବନେଶ୍ୱର ଅଞ୍ଚଳର" ।

ଏନେଇ News18 ପ୍ରତିନିଧି ଦୀପକ କୁମାର ସାମଲଙ୍କୁ ଯୋଗାଯୋଗ କରିଥିଲୁ, "ଦୀପକ କହିବା ଅନୁଯାୟୀ, ଗିରଫ ହୋଇଥିବା ସମସ୍ତ ଅଭିଯୁକ୍ତ ଭୁବନେଶ୍ୱର ଅଞ୍ଚଳର । ତାଙ୍କ ମଧ୍ୟରୁ କିଛି ଯୁବକ ଝାରପଡ଼ା ଅଞ୍ଚଳର ମଧ୍ୟ ଅଟନ୍ତି" ।

ପ୍ରମେୟ ଏନେଇ ଏକ ବିସ୍ତୃତ ଖବର ପ୍ରସାରଣ କରି ଉଲ୍ଲେଖ କରିଛି, "ସୋସିଆଲ ମିଡିଆରେ ଭିଡିଓ ଭାଇରାଲ ହେବା ପରେ, ଡିଜିପି ୱାଇ.ବି. ଖୁରାନିଆ ଏ ବିଷୟରେ ତୁରନ୍ତ କାର୍ଯ୍ୟାନୁଷ୍ଠାନ ନେବାକୁ ଭୁବନେଶ୍ୱର ଡିସିପି ପ୍ରତୀକ ସିଂହଙ୍କୁ ନିର୍ଦ୍ଦେଶ ଦେଇଥିଲେ । ଡିସିପିଙ୍କ ସ୍ପେଶାଲ୍ ସ୍କ୍ବାର୍ଡ ପ୍ରଥମେ ୨ଟି ଗାଡ଼ି ଜବତ କରିବା ସହ ୪ ଜଣଙ୍କୁ ଧରିଥିଲା । ଲକ୍ଷ୍ମୀସାଗର ଥାନା ପୁଲିସ୍ ଆଉଏକ କାର (ସଫାରୀ) ଗାଡ଼ି ଓ ଫୟାଜ ଖାଁ ନାମକ ଜଣେ ଯୁବକଙ୍କୁ ଧରି ଖାରବେଳ ନଗର ଥାନା ଜିମା ଦେଇଥିଲା । ଅନ୍ୟପଟେ ଆଇ-୨୦ କାର୍‌ରେ ଅନ୍ୟ ଯୁବକମାନେ ଫେରାର ହୋଇଯାଇଛନ୍ତି ।

ସେହିପରି ଉକ୍ତ ଘଟଣାର କାର୍ଯ୍ୟାନୁଷ୍ଠାନ ନେଇ, କମିସନରେଟ ପୋଲିସ ପକ୍ଷରୁ ସୂଚନା ଦିଆଯାଇଛି । ନିଜ ସୋସିଆଲ ମିଡିଆରେ କମିସନରେଟ ପୋଲିସ୍ ଜବତ ଗାଡି ସହ ଅଭିଯୁକ୍ତଙ୍କ ଫଟୋ ସେୟାର କରିଥିଵାର ଦେଖା ଯାଇଛି । କମିସନରେଟ ପୋଲିସ  ନିଜ ପୋଷ୍ଟରେ ସୂଚନା ଦେଇଛି, " ୧୬.୦୯.୨୦୨୪ରେ ଘଟିଥିବା ଘଟଣାକୁ ନେଇ ୫ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ୩ଟି ଗାଡ଼ି ଜବତ କରାଯାଇଛି" ।

ବିଭିନ୍ନ ଗଣମାଧ୍ୟମରେ ଖବର ପ୍ରସାରଣ ଏବଂ ଆମ ଅନୁସନ୍ଧାନରୁ ଜଣାଯାଏ ଯେ, "ବେପାରୁଆ ଗାଡି ଚାଳନା ଭାଇରାଲ ଭିଡିଓ ଟି ଭୁବନେଶ୍ୱରର ଏବଂ ଉକ୍ତ ଘଟଣାରେ ଅଭିଯୁକ୍ତ ମାନେ ଭୁବନେଶ୍ୱର ବାସିନ୍ଦା । ତେଣୁ ଦାବି ଗୁଡିକ ସମ୍ପୂର୍ଣ୍ଣ ଭ୍ରମାତ୍ମକ, ଏଥିରେ ନାହିଁ କୌଣସି ସତ୍ୟତା I