బీఆర్ఎస్ ఆత్మీయ సమ్మేళనంలో అపశృతి
ఖమ్మం బీఆర్ఎస్ ఆత్మీయ సమ్మేళనంలో అపశృతి చోటు చేసుకుంది. బాణాసంచా పేలి పది మందికి గాయాలయ్యాయి
బీఆర్ఎస్ ఆత్మీయ సమ్మేళనంలో అపశృతి చోటు చేసుకుంది. బాణాసంచా పేలి పది మందికి గాయాలయ్యాయి. ఈ ఘటన ఖమ్మం జిల్లాలో జరిగింది. ఖమ్మం జిల్లా కారేపల్లి మండలం చీమలపాడులో వైరా నియోజకవర్గం ఆత్మీయ సమ్మేళనం బీఆర్ఎస్ నేతృత్వంలో జరుగుతుంది. ఈ సమ్మేళనం ప్రారంభానికి ముందు పార్టీ కార్యకర్తలు పెద్దయెత్తున బాణ సంచాను కాల్చారు.
పది మందికి గాయాలు...
బాణాసంచా ఒక గుడిసెపై పడి నిప్పంటుకుంది. దీంతో దాదాపు పది మంది ఈ ఘటనలో గాయపడ్డారు. గాయపడిన పది మందిని చికిత్స నిమిత్తం ఆసుపత్రికి తరలించి చికిత్స అందిస్తున్నారు. గాయపడిన వారిలో ఇద్దరు పోలీసులు, ఇద్దరు జర్నలిస్టులు ఉన్నారని సమాచారం. పోలీసులు సహాయక చర్యలు ప్రారంభించారు.