తెలంగాణకు ప్రత్యేక జెండాను రూపొందిస్తాం

ఇక ముందు తెలంగాణలో వాహనాలపై టీఎస్ కాకుండా టీజీ గా మార్చాలని నిర్ణయించామని తెలిపారు. అందెశ్రీ అందించిన పాటను రాష్ట్ర గీతంగా ప్రకటిస్తామని, అధికారంలోకి రాగానే ఆ పని చేస్తామని తెలిపారు. టీఆర్ఎస్ ఆవిష్కరించిన తెలంగాణ తల్లిని తిరస్కరిస్తూ సబ్బండ వర్గాలకు అనుగుణంగా మార్పులు చేసి కాంగ్రెస్ తెలంగాణ తల్లిని రూపొందించబోతున్నామని, సెప్టంబరు 17 నుంచి ఈ తల్లి విగ్రహావిష్కరణ ఉంటుందని తెలిపారు. తెలంగాణ ఆత్మగౌరవం కోసం ప్రత్యేక జెండాను రూపొందించబోతున్నామని రేవంత్ తెలిపారు. తెలంగాణ సమాజంలో ఉన్న అన్ని వర్గాలు సహకరించాలని కోరారు. మునుగోడు నియోజకవర్గంలో రేపు ఇన్‌ఛార్జులతో రేపు మాణికం ఠాగూర్ సమావేశమవుతారని ఆయన తెలిపారు.