మరోసారి నిప్పులు చెరిగిన కేసీఆర్

ప్రధాని నరేంద్ర మోదీపై మరోసారి తెలంగాణ ముఖ్యమంత్రి కేసీఆర్ నిప్పులు చెరిగారు. రోజులు గడుస్తున్న కొద్దీ ప్రధాని మోదీకి పిచ్చి ముదురుతుందని అన్నారు. అందువల్లనే దేశంలో రైతులను ఏడిపిస్తున్నారని కేసీఆర్ అన్నారు. భువనగిరి జిల్లాలో రాయగిరిలో జరిగిన బహిరంగ సభలో ఆయన మరోసారి బీజేపీపైన ఆగ్రహం వ్యక్తం చేశారు. పిచ్చి పాలసీలను తీసుకువస్తూ ప్రజలను ఇబ్బంది పెడుతుందన్నారు. ఏడాది పాటు రైతులను ఏడిపించి తిరిగి చట్టాలను వెనక్కు తీసుకున్నారని చెప్పారు. మోదీని తరిమి తరిమి కొట్టాలని కేసీఆర్ పిలుపునిచ్చారు.