ఖ‌బడ్దార్ మోదీ... ఇది తెలంగాణ పులిబిడ్డ

బావులకు విద్యుత్తు మీటర్లు పెట్టాలని కేంద్రం వత్తిడి తెస్తుందని, ఎట్టిపరిస్థితుల్లో పెట్టబోమని కేసీఆర్ స్పష్టం చేశారు. నువ్వు ఏం చేసుకుంటావో చేసుకో అని అన్నారు. కేంద్ర ప్రభుత్వం పైసా ఇవ్వకున్నా మన బతుకులు మనం బతుకుతున్నామన్నారు. ఏదో ఉన్నంతలో మంచిగా చేసుకుంటున్నామని చెప్పారు. అటువంటి సమయంలో కేంద్ర ప్రభుత్వం పెట్టే నిబంధనలకు తలొగ్గేది లేదన్నారు. మీరందరూ పంపిస్తే ఢిల్లీకోటను బద్దలు కొడదాం అని పిలుపు నిచ్చారు. సిద్దిపేట వాళ్లు పంపిస్తే తెలంగాణను కొట్లాడి తెచ్చుకున్నామని, ఇప్పుడు బీజేపీని దేశం నుంచి తరిమి కొట్టి రాష్ట్రాలను రక్షించుకోవాలని ఆయన అన్నారు. బీజేపీ బిడ్డల్లారా... పిడికెడంత లేని మీరు మా జోలకి వస్తే మసి అయిపోతారని కేసీఆర్ హెచ్చరించారు.