అరాచకాలు సృష్టించేందుకు..?

రాష్ట్రంలో అరాచకాలు సృష్టించడానికి చంద్రబాబు ప్రయత్నిస్తున్నారని మంత్రి బొత్స సత్యనారాయణ ఆరోపించారు. పల్నాడులో చిన్న విషయాన్ని తీసుకుని పెద్దదిగా చేసి చూపించారన్నారు. టీడీపీ హయాంలో ఎన్నో అరాచకాలు జరిగాయన్నారు. పెయిడ్ ఆర్టిస్టులతో గందరగోళం సృష్టిస్తున్నారని తెలిపారు. కేవలం యరపతినేని శ్రీనివాసరావు, కోడెల శివప్రసాదరావు అరచకాల నుంచి ప్రజల దృష్టిని మళ్లించడానికే చంద్రబాబు ఈ నాటకమాడుతున్నారన్నారు. ప్రతిపక్షంలో ఉండి తాము చెప్పినట్లే చేయాలని నలభై ఏళ్ల అనుభవం ఉన్న చంద్రబాబు కోరుకుంటున్నారన్నారు. అది జరగని పని అని, తమ ప్రభుత్వం చిత్తశుద్ధితో పనిచేస్తుందని బొత్స సత్యనారాయణ తెలిపారు.