Ap Elections : ఇదేమి చిత్రం భయ్యా.. ఇన్ని ఓట్లు సాధించినా ఇన్ని సీట్లేనా?

ఇక తెలుగుదేశం పార్టీకి ఈ ఎన్నికల్లో 1, 53, 84, 576 ఓట్లు పడ్డాయి. అయితే టీడీపీకి వచ్చిన సీట్లు 134. అలాగే వైసీపీకి ఈఎన్నికల్లో పడిన ఓట్లు 1,32,84,134 ఓట్లు. వైసీపీకి వచ్చింది కేవలం పదకొండు స్థానాలు మాత్రమే. రెండు ప్రధాన పార్టీల మధ్య ఓట్ల తేడా 21 లక్షలు మాత్రమే. ఇక జనసేన పార్టీకి 8.53 శాతం ఓట్లు పడ్డాయి. అంటే ఈ ఎన్నికల్లో 21 స్థానాల్లో పోటీ చేసిన జనసేనకు వచ్చిన ఓట్లు 28,79,555 ఓట్లు మాత్రమే. అయితే సీట్లు మాత్రం 21అసెంబ్లీ స్థానాలు, రెండు పార్లమెంటు స్థానాలు దక్కి ప్రధాన ప్రతిపక్షంగా మారింది.

కూటమిలోని మరో భాగస్వామ్య పార్టీ బీజేపీకి పడిన ఓట్లు 9.53,977 మాత్రమే. బీజేపీకి వచ్చిన ఓట్ల శాతం 2.83 శాతం మాత్రమే. బీజేపీ ఈ ఎన్నికల్లో పది అసెంబ్లీ నియోజకవర్గాలు, ఆరు పార్లమెంటు స్థానాల్లో పోటీచేసింది. అయితే ఎనిమిది అసెంబ్లీ స్థానాలలోనూ, మూడు పార్లమెంటు స్థానాల్లోనూ విజయం సాధించింది. కాంగ్రెస్ పార్టీకి మొత్తం 5.80,613 ఓట్లు పడ్డాయి. ఆ పార్టీకి 1.73 శాతం ఓట్లు పడ్డాయి. కానీ ఒక్కస్థానంలోనూ గెలవలేదు. ఇలా ఓట్లు తక్కువ వచ్చినా ఎక్కువ సీట్లు వచ్చాయి. ఎక్కువ ఓట్లు పడినా తక్కువ సీట్లు దక్కాయి. అదే ఈ ఎన్నికల్లో విచిత్రం.