BRS : కారు పార్టీకి కష్టాలు మొదలు.. ఎగ్జిట్ పోల్స్ అన్నీ ఇంత నెగిటివ్‌గానా?

ఆరా సంస్థ అంచనాల ప్రకారం తెలంగాణలో కాంగ్రెస్ కు ఏడు నుంచి ఎనిమిది స్థానాలు, బీఆర్ఎస్ కు జీరో, బీజేపీకి ఎనిమిది నుంచి తొమ్మిది స్థానాలు, ఒకటి ఎంఐఎంకు వస్తుందని చెప్పింది. ఇండియా టీవీ - సీఎన్ఎక్స్ సంస్థ మాత్రం కాంగ్రెస్ కు ఆరు నుంచి ఎనిమిది స్థానాలు, బీఆర్ఎస్ కు ఒకటి, బీజేపీకి ఎనిమిది నుంచి పది స్థానాలు, ఎంఐఎంకు ఒక స్థానం వస్తుందని చెప్పింది. పీపుల్స్ పల్స్ సంస్థ కాంగ్రెస్ ఏడు నుంచి తొమ్మిది స్థానాలు, బీఆర్ఎస్ కు ఒకటి, బీజేపీకి ఆరు నుంచి ఎనిమిది, ఎంఐఎంకు ఒక స్థానం వస్తుందని ఎగ్జిట్ పోల్స్ లో చెప్పింది. ఇక ఏబీపీ - సీఓటరు సంస్థ కాంగ్రెస్ కు ఏడు నుంచి తొమ్మిది స్థానాలు, బీఆర్ఎస్ కు జీరో, బీజీపీకి ఏడు నుంచి తొమ్మిది, ఎంఐఎంకు ఒక స్థానం వస్తుందని తేల్చింది.

జన్‌కీ బాత్ సంస్థ కాంగ్రెస్ కు నాలుగు నుంచి ఏడు, బీఆర్ఎస్ కు ఒకటి, బీజేపీకి తొమ్మిదినుంచి పన్నెండు స్థానాలు వస్తాయని చెప్పింది. న్యూస్ 18 సంస్థ కాంగ్రెస్ కు ఐదు నుంచి ఎనిమిది, బీఆర్ఎస్ కు రెండు నుంచి ఐదు, బీజేపీకి ఏడు నుంచి పది స్థానాలు వస్తాయని తెలిపింది. ఇండియా టుడే యాక్సిస్ మై ఇండియా కాంగ్రెస్ కు నాలుగు నుంచి ఆరు, బీఆర్ఎస్ కు ఒకటి, బీజేపీకి పదకొండు నుంచి పన్నెండు స్థానాలు, ఎంఐఎంకు ఒక స్థానం వస్తాయని తేల్చింది. మొత్తం మీద కారు పార్టీకి మాత్రం ఎగ్జిట్ పోల్స్ లో నిరాశే మిగిలింది. ఈ ఎన్నికల్లోనూ ప్రజలు బీఆర్ఎస్ ను ఆదరించలేదని ఎగ్జిట్ పోల్స్ లో స్పష్టమయింది. మరి వాస్తవ ఫలితాలు ఈ నెల 4వ తేదీన విడుదల కానున్నాయి.