Chandrababu : నేడు విశాఖ నేతలతో చంద్రబాబు సమావేశం
ఆంధ్రప్రదేశ్ ముఖ్యమంత్రి చంద్రబాబు నాయుడు నేడు విశాఖ జిల్లా నేతలతో సమావేశం కానున్నారు
chandrababu naidu
ఆంధ్రప్రదేశ్ ముఖ్యమంత్రి చంద్రబాబు నాయుడు నేడు విశాఖ జిల్లా నేతలతో సమావేశం కానున్నారు. విశాఖ జిల్లా స్థానిక సంస్థల ఎమ్మెల్సీ అభ్యర్థి విషయంలో చంద్రబాబు నేతల అభిప్రాయాలను తెలుసుకోనున్నారు. ఇప్పటికే వైసీపీ తమ పార్టీ అభ్యర్థిగా బొత్స సత్యనారాయణను ప్రకటించిన నేపథ్యంలో అందుకు ధీటైన అభ్యర్థి కోసం ఇప్పటికే విశాఖ టీడీపీ నేతలు కసరత్తులు జరిపారు.
అభ్యర్థి ఎంపికపై...
ఎమ్మెల్సీ ఎన్నికల్లో టీడీపీ విజయం సాధించే దిశగా అడుగులు వేయాలని చంద్రబాబు నేతలకు దిశానిర్దేశం చేయనున్నారు. పీలా గోవిందు సత్యనారాయణ పేరు ఖరారయ్యే అవకాశముందని పార్టీ వర్గాలు వెల్లడించాయి. అయితే అందరూ సమన్వయంతో పనిచేసి గెలుపు దిశగా పనిచేయాలని చంద్రబాబు ఈ సమావేశాన్ని విశాఖ టీడీపీ నేతలతో ఏర్పాటు చేశారు.