కడప జిల్లాలో ఘోర రోడ్డు ప్రమాదం : ఏడుగురి మృతి
వైఎస్సార్ కడప జిల్లాలో ఘోర రోడ్డు ప్రమాదం జరిగింది. ఈ ప్రమాదంలో ఏడుగురు అక్కడికక్కడే మృతి చెందారు.
వైఎస్సార్ కడప జిల్లాలో ఘోర రోడ్డు ప్రమాదం జరిగింది. ఈ ప్రమాదంలో ఏడుగురు అక్కడికక్కడే మృతి చెందారు. కొండాపురం మండలం చిత్రావతి వంతెన సమీపంలో ఈ ప్రమాదం చోటు చేసుకుంది. తుఫాను వాహనం లారీని ఢీకొట్టడంతో ఈ ఘటన జరిగింది. అతి వేగమే ప్రమాదానికి కారణమని పోలీసులు చెబుతున్నారు.
తిరుమల నుంచి తాడిపత్రికి...
తిరుమల నుంచి తాడిపత్రికి వెళుతున్న తుఫాను వాహనం ఎదురుగా వస్తున్న లారీని ఢీకొట్టడంతో ఈ విషాదం చోటు చేసుకుంది. మృతులంతా తాడిపత్రి వాసులుగా గుర్తించారు. పోలీసులు వెంటనే సంఘటన స్థలికి చేరుకుని మృతదేహాలను తాడిపత్రి ప్రభుత్వ ఆసుపత్రికి తరలించారు. మృతి చెందిన వారిలో చిన్నారులు, మహిళలు కూడా ఉన్నారు. దీంతో తాడిపత్రిలోని వారి స్వగ్రామంలో విషాదం నెలకొంది.