ప్లాన్ వేసి భార్య, ఇద్దరు పిల్లలను చంపేశాడు.. ఎలా దొరికిపోయాడంటే!!
భార్య, ఇద్దరు పిల్లలను హతమార్చి, రోడ్డు ప్రమాదం కారణంగానే చనిపోయారని చిత్రీకరించిన
ఖమ్మం: భార్య, ఇద్దరు పిల్లలను హతమార్చి, రోడ్డు ప్రమాదం కారణంగానే చనిపోయారని చిత్రీకరించిన ఫిజియోథెరపిస్ట్ బోడ ప్రవీణ్‌ను రఘునాథపాలెం పోలీసులు ఆదివారం అరెస్టు చేశారు. రఘునాథపాలెం వద్ద చెట్టును ఢీకొన్న కారులో ప్రవీణ్ భార్య బోడ కుమారి (26), అతని కుమార్తెలు క్రుషిక (4), థనిస్క (3) మృతి చెందారు. జూన్ 28న ప్రవీణ్ కూడా స్వల్ప గాయాలతో బయటపడ్డాడు. ప్రమాదంపై కుమారి తల్లిదండ్రులు అనుమానం వ్యక్తం చేయడంతో పోలీసులు విచారణ చేపట్టి ప్రవీణ్ భార్య, పిల్లలను హత్య చేసినట్లు గుర్తించి అతడిని అరెస్టు చేశారు.
మొదటి నుంచి భార్య తరపు బంధువులందరూ కూడా ఇది రోడ్డు ప్రమాదం కాదు.. హత్య అనే చెప్పుకొచ్చారు. భార్య తరపు బంధువుల ఫిర్యాదు మేరకు పోలీస్ యంత్రాంగం విచారణ చేపట్టగా కారులో దొరికిన ఒక ఇంజక్షన్ ఆధారంగా హంతకుడు దొరికిపోయాడు. ఇక ప్రవీణ్ గూగుల్ సెర్చ్ హిస్టరీ ద్వారా అసలు నిజం బయట పడింది. ప్రవీణ్ కు సోనీ అనే నర్స్ తో అక్రమ సంబంధం ఉండడం.. ఈ విషయం భార్యకు తెలియడంతో దంపతుల మధ్య గొడవలు మొదలయ్యాయి. ఈ నేపథ్యంలోనే తన అక్రమ సంబంధానికి అడ్డుగా ఉన్న తన భార్య పిల్లలను హత్య చేయాలని నిర్ణయించుకున్నారు.
ఏదో పని అంటూ భార్య, పిల్లలను కారులో ఖమ్మం తీసుకెళ్లాడు. ప్రయాణంలో అతని భార్య అనారోగ్యం గురించి ఫిర్యాదు చేసినప్పుడు, అతను తన ప్రణాళికను అమలు చేశాడు. అనంతరం తన గ్రామం వెళ్లే మార్గంలో కారును నడుపుతూ మంచుకొండ, హర్యాతాండా మధ్య ఉన్న చెట్టును యాక్సిడెంట్‌గా చిత్రీకరించేందుకు ఉద్దేశపూర్వకంగా ఢీకొట్టాడు. పోస్ట్‌మార్టం నివేదిక కూడా కేసు ఛేదించడానికి పోలీసులకు ఉపయోగపడింది.
ఖమ్మం నుండి భార్యా పిల్లలతో కలిసి వస్తున్న డాక్టర్ ప్రవీణ్ అనస్థీషియా ఇంజక్షన్ తో పాటు మరో ఇంజక్షన్ కలిపి భార్యకు, నిద్రపోతున్న ఇద్దరు పిల్లలకు ఇచ్చి హత్య చేశాడు. మొదట పోలీసులు కూడా అది రోడ్డు ప్రమాదం గానే భావించారు.. కానీ బంధువులు ఇచ్చిన ఫిర్యాదు మేరకు విచారణలో వాహనంలో ఒక సిరంజీ దొరికింది. దీంతో పోలీసులు కేసును వేగవంతం చేశారు. భార్య, పిల్లలను హత్య చేసేందుకు google సెర్చ్ హిస్టరీలో సెర్చ్ చేసినట్టుగా తెలిసింది. దీంతో పోలీసులు డాక్టర్ ప్రవీణ్ ను అరెస్టు చేసి రిమాండ్ కు తరలించారు.