ఫ్యాక్ట్ చెక్: అలంకరించేసిన రైలుకు సంబంధించిన దృశ్యాలు హైదరాబాద్ నుండి కర్ణాటకకు తీర్థయాత్రకు సంబంధించినవి కానీ ఇటీవల పశ్చిమ బెంగాల్‌కు రైలు ప్రారంభానికి సంబంధించినవి కావు.

హైదరాబాద్‌ నుంచి పశ్చిమ బెంగాల్‌కు వెళ్తున్న రైలులో రైలు ముందు భాగం ఆకుపచ్చ రంగులో ఉన్న మసీదు గోపురం, బంగారు రంగు పక్షుల డిజైన్‌తో అలంకరించిన వీడియో వైరల్‌ అవుతోంది.

“ఎంత మందికి వీలైతే అంతమందికి షేర్ చేయండి. ఇదిగో బాగా చూడండి ఇది ఏ బంగ్లాదేశ్ రైల్వే అనుకునేరు అలా అనుకుంటే మీరు పొరబడినట్టే. ఇది మన #హిందూస్థాన్రైల్వే. #హైదరాబాద్_నుంచి_వెస్ట్_బెంగాల్ కి వెళుతున్న ట్రైన్ఇది. #ఈరోజు_అనగా_ఆగస్టు3 తేదీ. అసలు మనం ఏ దేశంలో ఉన్నామో మనకే క్లారిటీ లేదు కదరా. ఓ #సెక్యులర్_హిందువులరా” అంటూ పోస్టులు పెడుతున్నారు

హిందీలో కూడా “असदुद्दीन ओवैसी साहब चले मोमता आपा से मिलने .. तेलंगाना हैदराबाद से पश्चिम बंगाल जाने वाली ट्रेन” ఈ వాదనతో వీడియోను షేర్ చేస్తున్నారు.

అసదుద్దీన్ ఒవైసీ సాబ్ మమతాను కలవడానికి పశ్చిమ బెంగాల్ కు వెళ్ళినట్లు పేర్కొన్నారు. తెలంగాణలోని హైదరాబాద్ నుండి పశ్చిమ బెంగాల్ కు ఈ రైలు వెళుతోంది అని చెప్పారు.

వైరల్ అవుతున్న వాదన ప్రజలను తప్పుదారి పట్టించేది. వైరల్ వీడియోలోని రైలు హైదరాబాద్ నుండి కర్ణాటకలోని హల్‌కట్టా షరీఫ్‌కు ప్రయాణిస్తున్నట్లు చూపిస్తుంది.

మేము వీడియో నుండి తీసుకున్న కీ ఫ్రేమ్‌లను ఉపయోగించి రివర్స్ ఇమేజ్ సెర్చ్ చేసినప్పుడు, 2017 నుండి కొన్ని సంవత్సరాలలో పోస్ట్ చేసిన వీడియోలను మేము కనుగొన్నాము.

Noorjahan Naaz అనే యూట్యూబ్ ఛానల్ లో వీడియోను మీరు చూడొచ్చు. మే 22, 2018 న వీడియోను అప్లోడ్ చేశారు.

Full View

Badshh-E-Deccan అనే యూట్యూబ్ ఛానల్ లో కూడా “Hlakatta Sharif sandal on train 2018” అంటూ వీడియోను పోస్టు చేశారు. సెప్టెంబర్ 2018న వీడియోను పోస్టు చేశారు.

Full View

SaleemZone అనే యూట్యూబ్ ఛానల్ లో కూడా అక్టోబర్ 6, 2017న వీడియోను పోస్టు చేశారు. Halkatta Shareef Sandal and Dargah's new video అంటూ వీడియోను అప్లోడ్ చేశారు.

Full View

2022లో, దక్షిణ మధ్య రైల్వే ఆగస్టు 12- ఆగస్టు 14 2022 తేదీలలో గ్రేట్ సెయింట్ హజ్రత్ ఖ్వాజా సయ్యద్ మహ్మద్ బాదేశ్ క్వాద్రీ చిస్తి యమాని 45వ వార్షికోత్సవ వేడుకల సందర్భంగా యాత్రికుల రద్దీని తగ్గించడానికి హైదరాబాద్ నుండి వాడీకి ప్రత్యేక రైళ్లను ప్రకటించింది.

ప్రతి సంవత్సరం, యాత్రికులు రైలులో వెళుతూ ఉంటారు. ఈ రైళ్లకు ప్రతి సంవత్సరం ప్రత్యేక అలంకరణలు చేస్తూ ఉంటారు.

2018: 

Full View

2019: 

Full View

ఇటీవల హైదరాబాద్ నుండి పశ్చిమ బెంగాల్ కు వెళ్లే రైలుకి ఈ విధంగా అలంకరణ చేసినట్లు ఎక్కడా నివేదించలేదు. ఇది హైదరాబాద్ నుండి కర్ణాటకలోని హల్‌కట్టా షరీఫ్‌కు వెళ్లే ప్రత్యేక యాత్రికుల రైలు. వైరల్ అవుతున్న వాదన ప్రజలను తప్పుదారి పట్టించేదిలా ఉంది.