ప్రధాని మోదీ బహిరంగ సభ వేదిక వెలుపల ఆకాశంలో 'జై కేసీఆర్' బెలూన్లు

హైదరాబాద్ నగరంలో భారతీయ జనతా పార్టీ (బీజేపీ) మరియు తెలంగాణ రాష్ట్ర సమితి (టీఆర్ఎస్) మధ్య బ్యానర్ వార్ కొనసాగగా.. బీజేపీ జాతీయ కార్యవర్గ సమావేశ వేదిక అయిన పరేడ్ గ్రౌండ్స్ వెలుపల పింక్ బెలూన్ల రూపంలో మరో వివాదం చెలరేగింది.రాష్ట్ర ప్రభుత్వ విజయాలతో బీజేపీ పోస్టర్లను సమర్థంగా ఎదుర్కొంటూ గత మూడు రోజులుగా టీఆర్‌ఎస్ దూకుడుగా వ్యవహరించింది. చాలా ప్రాంతాల్లో పోటాపోటీగా బ్యానర్లను టీఆర్ఎస్ తీసుకుని వచ్చింది. ఇక ఆదివారం సికింద్రాబాద్‌లోని పరేడ్ గ్రౌండ్స్‌లో టీఆర్‌ఎస్ 'జై జై కేసీఆర్' నినాదంతో కూడిన గులాబీ బెలూన్‌లు వేదిక వెలుపల కనిపించాయి. బీజేపీ జాతీయ కార్యవర్గ సమావేశం వేదిక నుండి కనిపించాయి. బీజేపీ జాతీయ కార్యవర్గ సమావేశానికి ముందు నగరంలో బీజేపీకి వ్యతిరేకంగా పలు పోస్టర్లు వెలిశాయి. ప్రధాని ప్రజాధనాన్ని దోచుకుంటున్నారని పోస్టర్లలో టీఆర్ఎస్ ఆరోపించింది.