ఐసిస్ ఉగ్రవాదులే టార్గెట్‌గా సిరియాపై అమెరికా దాడులు

అయితే ఈ దాడుల్లో అమెరికా ఒక యుద్ధనీతిని పాటిస్తోంది. సిరియాలో తలదాచుకున్న ఐసిస్ ఉగ్రవాదులను లక్ష్యంగానే చేసుకుని దాడులకు దిగడం తప్ప సామాన్య ప్రజలు ఈ దాడులకు బలికాకూడదని తమ దళాలకు స్పష్టమైన ఆదేశాలు జారీ చేసింది. దీంతో అమెరికా కేవలం ఐసిస్ స్థావరాలపైనే బాంబుల వర్షం కురిపించింది. ఇటీవల కాలంలో సిరియాపై అమెరికా దాడులు జరపడం రెండోసారి. గత నెలలో జరిపిన దాడుల్లో దాదాపు నలభై మంది వరకూ ఐసిస్ ఉగ్రవాదులు మరణించారని అమెరికా అధికారిక ప్రకటన చేసింది.

మృతులందరూ ఆల్ ఖైదా, ఐసిస్ గ్రూప్‌నకు చెందిన వారేనని తెలిపింది. ఐసిస్ ను బలహీన పర్చేందుకే ఈ దాడులు నిర్వహిస్తున్నామని తెలిపింది. తమ ప్రయోజనాలకు భంగం కలిగిస్తే ఊరుకోబోమని హెచ్చరికలు జారీ చేయడంలో భాగంగానే ఈ దాడులకు పాల్పడిందని సెంట్రల్ కమిటీ పేర్కొంది. తమ మిత్ర దేశాలు, భాగస్వామ్యుల జోలికి వస్తే ఊరుకోబోమని వార్నింగ్ గట్టిగానే ఇచ్చింది. మొత్తం మీద ఇరాన్ - ఇజ్రాయిల్ మధ్యఒకవైపు యుద్ధం జరుగుతుంటే మరొక వైపు అమెరికా సిరియాపై దాడులకు దిగడంతో ఉద్రిక్త పరిస్థితులు నెలకొన్నాయి.