ఆరోజు అయోధ్యకు రావద్దని చెప్పేసిన ప్రధాని మోదీ

అయోధ్యలో ఏర్పాటు చేసిన బహిరంగ సభలో మోదీ మాట్లాడుతూ.. జనవరి 22 న అయోధ్యలో జరిగే ప్రాణ ప్రతిష్ఠ కార్యక్రమాన్ని ప్రత్యక్షంగా తిలకించాలని అంతా కోరుకుంటారని.. కానీ అది అందరికీ సాధ్యపడదని తెలిపారు. జనవరి 22 వ తేదీన అయోధ్యలో ఉండే రద్దీ కారణంగా ఆ రోజున భక్తులు ఎవరూ అయోధ్యకు రావొద్దని ప్రధాని మోదీ పిలుపునిచ్చారు. ఆ తర్వాతి రోజు అంటే జనవరి 23 వ తేదీ నుంచి జీవితాంతం శ్రీరాముడిని దర్శించుకోవచ్చని మోదీ సూచించారు. అయోధ్యలో శ్రీరాముడి ప్రాణప్రతిష్ఠ జరిగే జనవరి 22 వ తేదీ చరిత్రలో విశిష్ఠమైన రోజుగా నిలుస్తుందని ప్రధాని నరేంద్ర మోదీ తెలిపారు. ఆ రోజున దేశంలోని ప్రతి ఇంటిలో దీపాలు వెలిగించాలని ప్రజలకు విజ్ఞప్తి చేశారు. భారత దేశ చరిత్రలో జనవరి 22 వ తేదీ విశిష్ఠమైన రోజుగా నిలుస్తుందని.. ఆ రోజు రాత్రి దేశంలోని ప్రతి ఇంటా రామ జ్యోతి వెలిగించాలని సూచించారు.