ప్రయాగ్ రాజ్ కు రైళ్లు తాత్కాలికంగా రద్దు

మహాకుంభమేళాలో తొక్కిసలాటతో రైల్వే శాఖ కీలక నిర్ణయం తీసుకుంది. ప్రయాగ్ రాజ్ కు వెళ్లే రైళ్లను తాత్కాలికంగా నిలిపివేసింది. మౌని అమావాస్య కావడంతో ఒక్కసారిగా మహాకుంభమేళాకు పది కోట్ల మంది భక్తులు వచ్చారని అంచనా వేస్తున్నారు. అయితే సంగం సమీపంలో ఈ తొక్కిసలాట జరిగి దాదాపు ఇరవై మంది మరణించడంతో ఇంకాభక్తులు అక్కడకు చేరుకోకుండా భక్తుల రద్దీని నియంత్రించేందుకు రైల్వే శాఖ ఈ నిర్ణయం తీసుకుంది. కొన్ని రైళ్లను మధ్యలోనే నిలిపేశారు.