Sunita Williams : సునీత వచ్చేస్తున్నారోచ్.. కానీ వచ్చిన వెంటనే వైద్యుల పర్యవేక్షణలోనే కొద్దికాలం
అంతరిక్షంలో తొమ్మిది నెలలుగా ఐఎస్ఎస్ లో ఉంటున్న సునీత విలియమ్స్ ,బారీవిల్ మోర్ భూమి మీదకు వచ్చేందుకు కౌంట్ డౌన్ స్టార్టయింది;
అంతరిక్షంలో తొమ్మిది నెలలుగా ఐఎస్ఎస్ లో ఉంటున్న సునీత విలియమ్స్ ,బారీవిల్ మోర్ భూమి మీదకు వచ్చేందుకు కౌంట్ డౌన్ స్టార్టయింది. నాసా స్పేస్ ఎక్స్ క్రూ 10 మిషన్ విజయవంతంగా ఐఎస్ఎస్ తో అనుసంధానం కావడంతో వారు త్వరలోనే భూమి మీదకు వచ్చే అవకాశాలున్నాయి. మార్చి 15వ తేదీ ఉదయం 4:35 గంటలకు ఫాల్కన్ 9 రాకెట్ కెనడీ అంతరిక్ష కేంద్రం నుంచి నింగిలోకి వెళ్లింది. రాకెట్ లో నలుగురు వ్యోమగాముల - అన్నే మెక్‌క్లెయిన్ ,నికోల్ అయర్స్, టకుయా ఒనిషి , రోస్కోస్మోస్ వ్యోమగామి కిరిల్ పెస్కోవ్ ఉన్నారు. మార్చి 19 న విలియమ్స్ అంతరిక్షం నుంచి బయల్దేరనుంది. వీలైతే మరో వారం రోజుల్లో ఆమె భూమి మీదకు వచ్చే అవకాశం ఉంది.
గత ఏడాది జూన్ లో...
2024 జూన్లో ఆస్ట్రోనాట్స్ సునీతా విలియమ్స్, బచ్ విల్మోర్, నిక్‌ హేగ్, అలెగ్జాండర్‌ గోర్బునోవ్‌ మిషన్ క్రూ 9 ప్రాజెక్ట్లో భాగంగా బోయింగ్‌ స్టార్‌లైనర్‌ రాకెట్ ద్వారా అంతరిక్షంలోకి వెళ్లారు. నాసా షెడ్యూల్ ప్రకారం స్పేస్లో వీరి పర్యటన వారం రోజులు పర్యటన మాత్రమే. కానీ.. వీరు వెళ్లిన బోయింగ్‌ స్టార్లైనర్లో సాంకేతిక సమస్య తలెత్తడంతో. దీంతో నిక్‌ హేగ్, అలెగ్జాండర్‌ తిరిగి భూమి పైకి రాగా.. సునీత, బచ్ విల్మోర్ అంతరిక్షంలోనే చిక్కుకుపోయారు. వారిని తీసుకు వచ్చేందుకు చేసిన ప్రయత్నాలు విఫలమయ్యాయి.
భూమి మీదకు చేరిన వెంటనే...
దీంతో సునీతా విలియమ్స్ తో పాటు బచ్ విల్మోర్ అంతరిక్షంలోనే ఉండిపోయారు. వారిని సురక్షితంగా భూమిపైకి తీసుకు వచ్చేందుకు అనేక ప్రయత్నాలు జరిగాయి. చివరరకు స్పసే ఎక్స్ క్రూ మిషన్ 10 విజయవంతంగా అనుసంధానం కావడంతో వారి రాకకు మార్గం సుగమమయింది. అయితే భూమి మీదకు దిగిన వెంటనే వారికి అనేక రకాల అనారోగ్య సమస్యలు తలెత్తే అవకాశముందని చెబుతున్నారు. అంతరిక్షంలోనే తొమ్మిది నెలల పాటు ఉండటంతో భూమి మీదకు ఒక్కసారిగా రావడంతో శరీరం సహకరించకపోవచ్చని, అందుకు వెంటనే వారిని ఆసుపత్రికి తీసుకెళ్లి వైద్యుల పర్యవేక్షణలోనే కొంత కాలం పాటు ఉంచే అవకాశాలు కనిపిస్తున్నాయి.