కొత్త జిల్లాల ఎఫెక్ట్.. కోనసీమలో 38 మంది ఎంపీటీసీలు రాజీనామా

రాజీనామాల్లో భాగంగా కోనసీమ జిల్లా రాజోలుకు చెందిన ఎంపీటీసీ నెల్లి దుర్గాప్రసాద్ సహా 38 మంది నేతలు పార్టీకి రాజీనామాలు సమర్పించారు. ఈ సందర్భంగా నెల్లి దుర్గాప్రసాద్ మీడియాతో మాట్లాడుతూ.. కోనసీమ జిల్లాకు అంబేద్కర్ పేరు పెట్టాలని జిల్లా నుంచి పెద్దఎత్తున ప్రభుత్వానికి వినతులు వెళ్లాయని, తమ ప్రతిపాదనకు పార్టీ గౌరవం ఇవ్వకపోవడంతో పార్టీకి రాజీనామా చేస్తున్నట్లు తెలిపారు. అలాగే దళితపేటల్లోని పార్టీ శ్రేణులతో కూడా రాజీనామాలు చేయిస్తామన్నారు. ఈ రాజీనామాలపై వైసీపీ అధిష్టానం ఎలా స్పందిస్తుందో వేచి చూడాలి.