ఎన్టీఆర్‌పై కేటీఆర్ సంచలన కామెంట్స్
ఎన్టీఆర్ ముఖ్యమంత్రిగా హ్యాట్రిక్ విజయాన్ని సాధించలేకపోయారని, కానీ కేసీఆర్ హ్యాట్రిక్ కొడతారని మంత్రి కేటీఆర్ అన్నారు.
ఎన్టీఆర్ ముఖ్యమంత్రిగా హ్యాట్రిక్ విజయాన్ని సాధించలేకపోయారని, కానీ కేసీఆర్ హ్యాట్రిక్ కొడతారని తెలంగాణ మంత్రి కేటీఆర్ అన్నారు. ఖమ్మంలో ఎన్టీఆర్ గార్డెన్స్ ప్రారంభం సందర్భంగా ఆయన ఈ వ్యాఖ్యలు చేశారు. అయితే నందమూరి తారకరామారావు పేరులోనే ఒక వైబ్రేషన్ బలముంది. ఆయన సినిమాల్లోనూ, రాజకీయాల్లోనూ సంచలనాలను సృష్టించారన్నారు. ఎన్టీఆర్ తన జీవితంలో ఎన్నో శిఖరాలను అధిరోహించారని మంత్రి కేటీఆర్ తెలిపారు.
ఎన్టీఆర్ శిష్యుడిగా...
అయితే ఆయన రాజకీయాల్లో హ్యాట్రిక్ విజయాలను సాధించలేకపోయారన్నారు. కానీ ఎన్టీఆర్ శిష్యుడిగా కేసీఆర్ హ్యాట్రిక్ విక్టరీ కొట్టడం ఖాయమన్న కేటీఆర్ ఆయన పేరును నిలబెతతారన్నారు. అప్పుడే ఎన్టీఆర్ ఆత్మశాంతిస్తుందని కేటీఆర్ అన్నారు. ఎన్టీఆర్ ఆశయాలను అందరం ముందుకు తీసుకెళ్లాల్సిన అవసరం అందరిపైనా ఉందన్న కేటీఆర్ ఆ దిశగానే తెలంగాణ ప్రభుత్వం పనిచేస్తుందన్నారు. వచ్చే ఎన్నికల్లో బీఆర్ఎస్ మరోసారి విజయం సాధించడం ఖాయమని అన్నారు.