ఢిల్లీలో కేసీఆర్ పోస్టర్ల కలకలం
ముఖ్యమంత్రి కేసీఆర్ పోస్టర్లు ఢిల్లీలో కలకలం రేపుతున్నాయి. ఆయన అభిమానులు ఢిల్లీలో పెద్దయెత్తున పోస్టర్లు అంటించారు.
తెలంగాణ ముఖ్యమంత్రి కేసీఆర్ పోస్టర్లు ఢిల్లీలో కలకలం రేపుతున్నాయి. ఆయన అభిమానులు ఢిల్లీలో పెద్దయెత్తున పోస్టర్లు అంటించారు. జాతీయ రాజకీయాల్లోకి రావాలని, కీలక భూమిక పోషించాలంటూ కేసీఆర్ అభిమానులు, టీఆర్ఎస్ నేతలు ఈ పోస్టర్లను ఏర్పాటు చేశారు. కేసీఆర్ ఫ్యాన్ క్లబ్ ఈ పోస్టర్లను ఏర్పాటు చేసింది.
విజన్ ఆఫ్ ఇండియా....
కేసీఆర్ ఆఫ్ విజన్ ఆఫ్ ఇండియా అంటూ ఢిల్లీలో పోస్టర్లు పెద్దయెత్తున దర్శనమిస్తున్నాయి. ఈరోజు కేసీఆర్ 68వ పుట్టినరోజు కావడంతో టీఆర్ఎస్ నేతలు ఈ పోస్టర్లు ఏర్పాటు చేసినా గతం కంటే భిన్నంగా ఇవి కన్పిస్తున్నాయి. కేసీఆర్ ఇటీవల జాతీయ రాజకీయాలపై ఆసక్తి చూపుతున్నారు. బీజేపీకి వ్యతిరేకంగా కూటమిని ఏర్పాటు చేసే ప్రయత్నంలో ఉన్నారు. జాతీయ రాజకీయాల్లో కేసీఆర్ రావాలంటూ పుట్టిన రోజు నాడు ఆయన అభిమానులు జాతీయ మీడియాలోనూ ప్రకటనలు ఇవ్వడం విశేషం.