తెలంగాణను వణికిస్తున్న ఒమిక్రాన్
తెలంగాణ రాష్ట్రం ఒమిక్రాన్ దెబ్బకు వణికిపోతుంది. కేసుల సంఖ్య కూడా పెరిగిపోతుంది. ఒక్కరోజులోనే 14 కేసులు నమోదయ్యాయి
తెలంగాణ రాష్ట్రం ఒమిక్రాన్ దెబ్బకు వణికిపోతుంది. కేసుల సంఖ్య కూడా పెరిగిపోతుంది. ఒక్కరోజులోనే 14 ఒమిక్రాన్ కేసులు నమోదయ్యాయి. దీంతో తెలంగాణలో మొత్తం ఒమిక్రాన్ కేసులు 38కి చేరుకున్నాయి. కేసులు పెద్ద సంఖ్యలో పెరిగిపోతుండంటంతో ప్రభుత్వం అప్రమత్తమయింది. ఆంక్షలను కూడా కఠిన తరం చేయాలని భావిస్తుంది.
కఠిన ఆంక్షలు....
ఇప్పటికే తెలంగాణలో మాస్క్ విషయంలో కఠిన చర్యలు తీసుకుంటున్నారు. మాస్క్ లేకుంటే వెయ్యి రూపాయల జరిమానా విధిస్తున్నారు. అలాగే త్వరలోనే నైట్ కర్ఫ్యూ విధించాలని కూడా ప్రభుత్వం భావిస్తుంది. ఒమిక్రాన్ తో పాటు కరోనా కేసులు కూడా మళ్లీ పెరుగుతుండటం ఆందోళన కలిగిస్తుంది. ప్రజలు అప్రమత్తంగా ఉండాలని ఖచ్చితంగా కోవిడ్ నిబంధనలను పాటించాలని వైద్య ఆరోగ్య శాఖ అధికారులు హెచ్చరిస్తున్నారు.