139 మంది రేప్ చేశారంటూ….?

హైద‌రాబాద్‌లో ఓ కేసు సంచ‌ల‌నంగా మారింది.. పంజాగుట్ట పోలీస్ స్టేష‌న్‌లో ఏకంగా 139 మంది రేప్ కేసు పెట్టింది ఓ యువ‌తి… 113 పేజీలతో సుదీర్ఘ ఫిర్యాదు లేఖ‌ను రాసిన ఆ యువ‌తి.. అందులో రాజకీయ నాయకుల పీఏలు, సినీ పరిశ్రమకు చెందిన ప్రముఖుల పేర్లను కూడా చేర్చిన‌ట్టు తెలుస్తోంది. మొత్తంగా తనపై 139 మంది అత్యాచారానికి పాల్పడిన‌ట్టు పంజాగుట్ట పోలీసుల‌కు ఫిర్యాదు చేసింది మిర్యాల‌గూడ‌కు చెందిన 25 ఏళ్ల యువ‌తి.. దీంతో.. 139 మందిపై నిర్భయ కేసు న‌మోదు చేశారు పోలీసులు గతంలో ఆ యువ‌తికి ప‌రిచ‌యం ఉన్న అంద‌రిపై ఫిర్యాదు చేసిన‌ట్టుగా చెబుతున్నారు.. ఇక‌, కేసు నమోదు చేసి పంజాగుట్ట పోలీసులు.. ద‌ర్యాప్తు చేప‌ట్టారు. త‌న‌పై 139 మంది అత్యాచారానికి పాల్పడ్డారంటూ ఆ యువ‌తి ఫిర్యాదు చేయ‌డం సంచ‌ల‌నంగా మారింది.