నేడు కాంగ్రెస్ ఇంద్రవెల్లి సభ

కాంగ్రెస్ ఆధ్వర్యంలో ఇంద్రవెల్లి సభ నేడు జరగనుంది. ఈమేరకు ఏర్పాట్లూ పూర్తయ్యాయి.కాంగ్రెస్ పార్టీకి చెందిన ముఖ్యనేతలంతా ఈ సభకు హాజరుకానున్నారు. టీపీసీసీ అధ్యక్షుడు రేవంత్ రెడ్డి బాధ్యతలను స్వీకరించిన తర్వాత జరిగే తొలి బహిరంగ సభ కావడంతో భారీ ఎత్తున జనసమీకరణ చేస్తున్నారు. మొత్తం 18 ఎకరాల్లో సభకు ఏర్పాట్లు పూర్తి చేశారు. దళిత, గిరిజన దండోరా సభకు పెద్దయెత్తున తరలి రావాలని రేవంత్ రెడ్డి ఇప్పటికే పిలుపునిచ్చారు. దళితులను మోసం చేసే ప్రక్రియలో భాగంగా దళిత బంధు కార్యక్రమాన్ని కేసీఆర్ తెచ్చారని, దీనిపై అవగాహన కల్పించేందుకే ఈ సభను ఏర్పాటు చేసినట్లు రేవంత్ రెడ్డి తెలిపారు.