Ycp : వైసీపీ ఎమ్మెల్యే కాంట్రవర్సీ కామెంట్స్… అదే సీమలో అయితే?

వైసీపీ ఎమ్మెల్యే రఘురామిరెడ్డి వివాదాస్పద వ్యాఖ్యలు చేశారు. ఆయన మైదుకూరులో జనాగ్రహ దీక్షలో ప్రసంగించారు. టీడీపీ అరాచకాలు రోజురోజుకూ పెరుగుతున్నాయన్నారు. ప్రభుత్వాన్ని అస్థిరపర్చడానికి కుట్ర జరుగుతుందని రఘురామిరెడ్డి అభిప్రాయపడ్డారు. ముఖ్యమంత్రిపై దుర్భాషలాడటం ఎంతవరకూ సమంజసమని ఆయన ప్రశ్నించారు.

రక్తం ఉడికిపోతుంది…..

ముఖ్యమంత్రిపై వాడిన భాషను చూసి రక్తం ఉడికిపోయిందన్నారు. మంగళగిరిలో కాబట్టి పార్టీ కార్యాలయంపై దాడి జరిగిందని, అదే రాయలసీమలో అయితే ఖూనీలు జరిగేవని రఘురామిరెడ్డి వివాదాస్పద వ్యాఖ్యలు చేశారు. ఈ కామెంట్స్ ఇప్పుడు సోషల్ మీడియాలో వైరల్ అయ్యాయి.