Fact Check: وائرل ویڈیو میں بغیر ڈرائیور کی ٹیکسی سروس چنئی میں لانچ ہونے کا دعویٰ غلط

ایک وائرل ویڈیو جس میں ایک بزرگ خاتون کو تمل میں بات کرتے ہوئے، خودکار ڈرائیونگ ٹیکسی سروس کا فائدہ اٹھاتے ہوئے دکھایا گیا ہے، اس دعوے کے ساتھ یہ ویڈیو گردش میں ہے کہ اس میں ڈرائیور کے بغیر دکھائی گئی ٹیکسی سروس چنئی میں شروع کی گئی ہے۔

اس ویڈیو میں بتایا گیا ہے کہ خاتون ٹیکسی میں سوار ہوتی ہے اور ٹیکسی کی سواری سے لطف اندوز ہوتی ہے۔ اس ویڈیو میں اس خاتون کو یہ کہتے ہوئے سنا جا سکتا ہے کہ دنیا میں پہلی بار بغیر ڈرائیور کے ٹیکسی کی سہولت شروع کی گئی ہے۔ ویڈیو اس کیپشن کے ساتھ شیئر کیا گیا ہے: ’’ ڈرائیور لیس ٹیکسی سروس دنیا میں پہلی بار چنئی میں کل شروع ہوئی ہے۔ سواری کا لطف اٹھاؤ ‘‘

فیکٹ چیک:

یہ دعویٰ غلط ہے۔ بغیر ڈرائیور کے ٹیکسی خدمات چنئی، ہندوستان میں شروع نہیں کی گئی ہے۔ یہ ویڈیو ریاستہائے متحدہ امریکہ کی ہے۔ بغیر ڈرائیور کے ٹیکسی سروس کی شروعات ابھی ہندوستان میں شروع نہیں ہوئی ہے۔

جب ہم نے اس دعوے کی تحقیقات کے لیے کی وورڈس ’’ ڈرائیور لیس ٹیکسی سروس، چنئی‘‘، کی مدد سے تلاش کیا تو ہمیں چنئی میں اس طرح کی ٹیکسی کے لانچ سے متعلق کوئی نیوز رپورٹ دستیاب نہیں ہوئی۔

جب بغور دیکھا جائے تو ہم دیکھ سکتے ہیں کہ ٹیکسی کا نام ’وائیمو‘ تھا، جب وائیمو کو تلاش کیا گیا تو ہمیں ان کی ویب سائٹ پر یہ ذکر کیا ہوا ملا کہ یہ دنیا کی پہلی خودمختار سواری کی خدمت ہے۔ یہ ٹیکسیاں اس وقت سان فرانسسکو اور فینکس شہروں میں چل رہی ہیں۔ لاس اینجلس اور آسٹن میں یہ خدمات جلد شروع ہورہی ہیں۔

جب اس ویڈیو کو بغور جائزہ لیں تو آپ دیکھ سکتے ہیں کار کا اسٹیئرنگ وہیل بائیں جانب ہے، جو امریکہ میں رائج ہے، جبکہ ہندوستان میں کار کا اسٹیئرنگ وہیل دائیں جانب ہوتا ہے۔

اسی بات سے اشارہ لیتے ہوئے ہم نے ’ڈرائیور لیس ٹیکسی اِن یو ایس اے+تمل‘‘ اس کی وورڈ کا استعمال کیا اور تلاش کیا تو ہمیں اوریجنل ویڈیو ملا جو Ask Information نامی یوٹیوب چینل پر ایک مہینہ قبل اپ لوڈ کیا گیا تھا۔ اس ویڈیو کا ٹاٹئل تھا، ’’ڈرائیور لیس ٹیکسی ان دی یو ایس اے |அமெரிக்காவில் டிரைவர் இல்லாத டாக்சி |اے ڈرائیور لیس ٹیکسی اِن امریکہ۔‘‘

اس دعوے کو Newschecker.in کی جانب سے بھی ڈی بنک کیا گیا ہے، جنہوں نے Waymo میں پروڈکٹ کمیونیکیشن مینیجر سے رابطہ کیا اور تصدیق کی کہ ان کی گاڑیاں صرف فینیکس، سان فرانسسکو، لاس اینجلس، کیلیفورنیا؛ اور آسٹن، ٹیکساس میں چلتی ہیں۔

لہٰذا، چنئی میں بغیر ڈرائیور کے ٹیکسی سروس شروع کی گئی ہے اور وائرل ویڈیو میں یہی بتایا گیا ہے، یہ دعویٰ غلط ہے۔ ویڈیو امریکہ کی ہے۔