మళ్లీ ఢిల్లీకి ఏపీ సీఎం.. ఎందుకంటే?

ఏపీ ముఖ్యమంత్రి చంద్రబాబు నాయుడు ఢిల్లీకి పయనమవ్వనున్నారు. జులై 26 రాత్రి ఢిల్లీకి వెళ్లనున్నారు. జులై 27న ఢిల్లీలో జరిగే నీతి ఆయోగ్ సమావేశానికి హాజరుకానున్నారు. ప్రధాని నరేంద్ర మోదీ అధ్యక్షతన జరిగే ఈ సమావేశంలో చంద్రబాబు పాల్గొననున్నారు. పోలవరం కొత్త డయాఫ్రం వాల్ నిర్మాణానికి నీతి ఆయోగ్ ముందు ప్రతిపాదనలు ఉంచనున్నారు. పోలవరం ప్రాజెక్టు ఎత్తు తగ్గించకుండా గతంలో నిర్దేశించిన మేరకే కట్టుబడి ఉండాలని ఏపీ క్యాబినెట్ సమావేశంలో తీర్మానించారు. ఈ అంశాన్ని కూడా ఆయన కేంద్రానికి వివరించనున్నారు. నీతి ఆయోగ్ సమావేశం ముగిసిన అనంతరం విజయవాడకు తిరిగి రానున్నారు.