Andhra Pradesh : త్వరలో నిరుద్యోగులకు ఏపీ సర్కార్ గుడ్ న్యూస్... నిరుద్యోగ భృతి ఎప్పటి నుంచి అంటే?

అయితే నిధుల లేమితో వరసగా ఒక్కొక్క హామీని అమలు చేస్తామని ముఖ్యమంత్రి చంద్రబాబు నాయుడు తెలిపారు. దీంతో పాటు దీపావళికి మూడు ఉచిత గ్యాస్ సిలిండర్లను అమలు చేస్తామని చెప్పారు. త్వరలోనే మహిళలకు ఉచిత ప్రయాణాన్ని కూడా అందించనున్నారని మంత్రి చెబుతున్నారు. అంతకు ముందు మెగా డీఎస్సీపై తొలి సంతకం చేశారు. 16 వేల పోస్టులను భర్తీ చేయడానికి సిద్ధమయింది. అదే సమయంలో ల్యాండ్ టైటిలింగ్ యాక్ట్ ను కూడా అధికారంలోకి రాగానే చంద్రబాబు రద్దు చేశారు. ఊరూరా అన్న క్యాంటిన్లు పెట్టి పేదలకు ఐదు రూపాయలకే భోజనం, టిఫిన్లు అందచేస్తున్నారు.

అయితే తాజాగా మరో కీలక నిర్ణయాన్ని చంద్రబాబు తీసుకున్నట్లు తెలిసింది. తాను ఎన్నికల ప్రచారంలో చెప్పినట్లుగా నిరుద్యోగులకు నెలకు మూడు వేల రూపాయల భృతిని అతి త్వరలోనే అందించాలని భావిస్తున్నారు. ఈ మేరకు కసరత్తు చేయాలని చంద్రబాబు ఇప్పటికే అధికారులను ఆదేశించడంతో ఎందరు నిరుద్యోగులున్నారు? ఎంత మంది గ్రాడ్యుయేట్ విద్యను పూర్తి చేశారు. ఉద్యోగాలు లేకుండా ఖాళీగా ఉన్నారు? వంటి విషయాలపై ఆరా తీస్తున్నారు. ఇందుకోసం ప్రత్యేక దరఖాస్తు ఫారాన్ని సిద్ధం చేశారు. డిగ్రీ సర్టిఫికేట్ తో పాటు, ఆధార్ జిరాక్స్ కార్డును జత చేసి స్థానిక ఎమ్మార్వో కార్యాలయంలో గ్రాడ్యుయేట్ ఓటర్ గా నమోదు చేసుకోవాలని చెబుతున్నారు. అయితే ఇది గ్రాడ్యుయేట్ ఎన్నికలకు సంబంధించింది అయినా నిరుద్యోగ భృతి ఇవ్వడానికి ఇది ఉపయోగపడుతుందని ప్రభుత్వం భావిస్తుంది. ఈ నెల 30వ తేదీ నుంచి నవంబరు 6వ తేదీ వరకూ తమ వివరాలను నమోదు చేసుకునే వీలుంది. మరి నిరుద్యోగ భృతిని త్వరలోనే చంద్రబాబు ప్రకటించే అవకాశముందని తెలిసింది.